Home General Djis laga Busnan core riba e caminda bieu y ta cla

Djis laga Busnan core riba e caminda bieu y ta cla

114
0
SHARE
- Advertisement -

Solucion pa Bus riba Green Corridor…

ORANJESTAD (AAN): Diferente reaccion di pueblo a drenta relaciona cu e plan pa kizas traha un otro brug pa peaton cruza Green Corridor na altura di Pos Chikito pa Balashi.

Hopi hende no ta di acuerdo cu ta bay gasta asina hopi dineral pa traha un brug.

Sinembargo un dama di Pos Chikito tabatin e mihor solucion.  El a splica cu e ta opina cu ta un coy kens pa pensa di bay traha un brug extra djis pa peaton.

“E ta un gran coy kens di pensa riba e parti ey,” e dama a relata na DIARIO.  E ta puntra su mes, si e Director di Arubus no por ta realistico pa wak y investiga prome unda mayoria di hende cu ta subi bus den e pida area ey di 4-via di Green Corridor ta biba.

Arubus lo no keda sorprendi, si nan descubri cu mayoria di usador di Bus, ta biba entre e Highway nobo di Green Corridor, y Spaans Lagoen.

E solucion di dje?  Djis e ta sugeri pa laga e Busnan pasa riba e Caminda Bieu di Telearuba.  Stop di laga Busnan pasa riba e Highway di Green Corridor.

Pues unavez cu nan pasa riba e caminda secundario (Caminda Bieu), e ora lo ta mas facil pa Bus baha y piki pasaheronan cu ta bayendo pa WEB Aruba NV.  Facil pa baha y piki pasaheronan cu ta bay De Palm Island.

Pasaheronan no mester bay cana te na e Highway di Green Corridor pa tuma bus mas.

Pasaheronan cu ta bay Sabana Basora, lo tin di djis baha na e lugar di costumber na rotonde di Pos Chikito.

“Ta mas cu logico pa Arubus djis pasa cu su Busnan riba e ruta unda hendenan ta biba, y full e asunto lo keda resolvi”.

El a finaliza bisando, cu si acaso e Director no ta kere esey, djis percura pa e chauffeurnan mes haci un encuesta cu e pasaheronan cu ta subi bus eybanda pa check unda nan ta biba.  Lo bo haya sa cu tur ta biba pazuid di highway di Green Corridor.

- Advertisement -

DUNA COMENTARIO

Please enter your comment!
Please enter your name here