Home Noticia Internacional Dos Venezolano tabata mata cacho y bende nan cu negoshinan di Arepa...

Dos Venezolano tabata mata cacho y bende nan cu negoshinan di Arepa na Venezuela

9744
0
SHARE
Cortesia: Cactus24.
Potret di e dos Venezolanonan deteni na Aragua.
- Advertisement -

ORANJESTAD (AAN): Un informacion cu a bin di Municipio Ribas di Estado Aragua na Venezuela, tabata espantoso e siman aki.

Dos homber, identifica como Victor Moisés Mesone di 47 aña y Jorge Alpidio Báez di 48 aña, a wordo deteni door di Polis.  Autoridad a gara nan net ora cu e dos hombernan aki tabata transporta un cargamento di cacho cu supuestamente nan a horta di e doñonan.

Segun e informacion oficial, e dos hombernan aki tabata dedica nan mes pa horta e cachonan aki di tur raza, y despues tabata mata nan, pa bende nan carni comosifuera nan ta carni di baca, na diferente negoshi cu ta traha Arepa pa bende cu publico, como “Carne Mechada”.

—Carne Mechada tabata di cacho.

E detencion di e personanan anti-social aki, a wordo logra danki na diferente denuncia y follow-up haci door di Ambientalistanan cu ta pertenece na Mision Nevado, kendenan a sigui trece prueba y demas informacion na Polis.

E denunciantenan a informa cu te cu ora cu nan a detene e dos hombernan aki, nan ta calcula cu como 47 cacho a wordo horta.  Nan a añadi cu e dos hombernan aki, posiblemente cu algun compinchi mas, tabata transporta pa dia entre 4 pa 7 cacho pa despues bende nan carni na diferente negoshi di Arepa di e ciudad, y sectornan eybanda, specialmente rond di Sector Sarayauta.

Polis a interoga e dos hombernan, y awor a bay den man di Fiscal di Ministerio Publico pa asina hudicialmente por sigui cu e investigacion, pa determina cuanto hende mas ta complice cu esaki.

Pueblo Venezolano a lanta furioso, sabiendo cu kizas nan lo a come Arepa ultimo simannan cu ta contene carni di cacho.

- Advertisement -

DUNA COMENTARIO

Please enter your comment!
Please enter your name here