Douaneronan ta kere cu Ministro Ruiz-Maduro ta hopi mal-informa

    185
    0
    SHARE
    - Advertisement -

    ORANJESTAD (AAN): Diaranzon atardi durante un conferencia di prensa urgente yama pa Sindicato SADA na sede di SEPPA na Hato, nan a bin skerpi dilanti pa mustra con nan ta sinti cu Ministro djis no kier preocupa su mes cu Douaneronan.

    Tabata Diadomingo den oranan di atardi, cu nan a manda un carta pa Ministro Xiomara Ruiz-Maduro, cu te e ora ey ainda no a haya cifra di cabezantenan ni Director di Douane pa atende reunion cu miembronan.  Pues e feedback cu mester a duna Ministro riba Diabierna dia 17 di Augustus no ta posible.

    Diasabra dia 18 di Augustus e Sindicato SADA a manda carta pa miembronan bisa cu no a yega ningun caminda cu e reunion informativo.

    E Douaneronan a bin cu varios propiosicon y hasta bin cu un Carta cu e Douaneronan di Airport a traha cu e meta pa duna Ministro.  SADA a duna Ministro e carta ey, y pa nan sorpresa, e titular no a ni lese, ni traha copia.  Ya caba a nota den ki rumbo e reunion ta bayendo.

    Sindicato SADA a haya via nan box, un email cu e Hefe di Douane Airport a manda dia 15 di Augustus.  E documentonan cu ta papia di e rooster di henter Douane na Airport.

    E asina yama “Weegrooster” di Januari 2018 te cu Juli 2018 pa henter Cuerpo Douane Airport (tur warda, tur seccion), ta mustra cu e overtime ta 191.000 Florin.

    Douane Airport na luna di Januari 2018 e gasto di overtime tabata 20.000 Florin.  Na Februari 2018 e tabata tabata 18.000 pico Florin.  Na Maart e overtime tabata 26.000 Florin.  Na April esey ta 30.000 Florin.

    Na opinion di Sindicato, sea Ministro Ruiz-Maduro a wordo malinforma, y/of a kere ciegamente den Director y Cabezantenan di Douane, of algo otro.

    Pero Ministro a forza nan di bay den accion, y no tabata kier a entrega cifra pa haci calculo.  Y ta bisto cu algun caminda e cifranan no a cuadra.

     

    - Advertisement -

    DUNA COMENTARIO

    Please enter your comment!
    Please enter your name here