Home Salud Dr. Francis Franca ta na Aruba bek pa traha como Gastroenterologo na...

Dr. Francis Franca ta na Aruba bek pa traha como Gastroenterologo na Hospital

340
0
SHARE
- Advertisement -

Despues di 15 aña di estudio

ORANJESTAD  (AAN):  Diaranzon atardi a yega Aruba bek Dr. Francis Franca, kende a dedica 15 aña pa e bira doctor. Awor e ta bek na su isla pa asina eherce como medico specialista.

Dr. Franca a yega Aruba acompaña di su partner y su yiu y el a wordo ricibi na aeropuerto door di Minister Andin Bikker, Minister Glenbert Croes, famia y amistadnan.

Minister Bikker a expresa di ta hopi contento ya cu e conoce docter Franca for di basta tempo. El a obseki’e un pen y alavez a gradici’e y desee exito.

Dr. Franca a biba 15 aña na Hulanda. El a specializa den stoma y higra (Gastroenterologo). Su di dos specializacion ta operacion den tripa. Dia 15 di September e ta cuminza traha na Hospital.

E medico a laga sa cu e ta hopi contento di ta bek na su isla y e ta spera di por aporta na e salubridad publico di Aruba.

Ultimo añanan el a studia y traha na Erasmus na Rotterdam. Awor e ta na Aruba pa brinda su experticio na comunidad di Aruba. El a haya oferta pa traha na Corsow y un otro pa traha na Aruba, pero el a opta pa bin bek su isla natal.

Aruba tin un necesidad masha grandi di docternan specialista y mihor ainda si ta trata di yiunan di tera cu ta haya e oportunidad di traha akinan mes.

- Advertisement -

DUNA COMENTARIO

Please enter your comment!
Please enter your name here