Home Policial E forma con un Agente Policial a maltrata su novia a crea...

E forma con un Agente Policial a maltrata su novia a crea rabia den pueblo

2481
0
SHARE
- Advertisement -

Autoridad a detene agente Ardila-Ortiz

Autoridad a detene agente Ardila-Ortiz

  • E caso severo di maltrato a socede na Sero Pita 47-B
  • Agente policial a maltrata su novia pisa
  • E polis a cera e victima na lock y no lage sali ni pa bay Hospital
  • Diamars e dama a logra haya yudanza

ORANJESTAD (AAN): Apenas siman pasa, Aruba a keda den shock ora cu un dama conoci trahando na un Restaurant local, a perde su bida ora cu su pareha a maltrate severamente na cabez, y despues actua comosifuera nada a pasa.

Voznan di protesta a lanta na Aruba, y un biaha mas e spotlight a wordo dirigi riba problemanan matrimonial of di pareha, unda maltrato ta socede regularmente pero hende no ta tribi di haci denuncia.

Ora a kere cu tur hende lo a bin bij y cu ta bay stop cu maltrato di pareha, ata Diadomingo anochi un caso mas severo a socede na Sero Pita 47-B.

Un pareha hoben ta bibando pa como 2 aña caba na e Apartamento na e adres aki.  E homber ta un Agente Policial di KPA Aruba.  E dama ta un persona procedente di un pais den exterior.

E desorden di Diadomingo anochi tabata hororoso.  Pa un motibo of otro, e agente policial cu e fam Ardila, a duna su novia un sota cu a bay acompaña cu golpinan fuerte y duro na parti ariba di su curpa, specialmente na su cabez.  Ora bo mira e potretnan aki, bo ta realiza ta con pisa esaki tabata.

Despues di a duna e dama maltrato severo, lagando su wowonan tur hincha, manchanan blauw tur caminda, cu yen di bolombonchi den cabez, lip hincha, y un corta chikito riba klep di wowo banda robez, e agente Ardila a dicidi na cera e dama den camber y no lage sali ni pa bay Hospital.  El a pone e porta na lock cu candal.  Hendenan eybanda cu a tende e desordo, a kere cu cos lo a drecha.

CERA DEN CAS NA CANDAL:

E dama a keda henter Diadomingo anochi den dolor inmenso, y mesun cos riba Dialuna.  Henter dia el a keda na cas, y no tabatin forma ni pa bati alarma y pidi auxilio.  Diamars a habri y keto bay su curpa ta tur stijf, cu yen dolor di cabez, y ainda wowonan tabata dolor y casi no por habri.

Pero bon mes riba Diamars el a logra di comunica cu un friend, kende porfin a bay na e cas, a logra sake di e cas.  E dama cu tur curpa stijf, a haye obliga na bula un pida muraya pa asina por a huy y asina yega den mannan safe di su amigonan.

Ora cu su amigonan a mira con su curpa ta, nan a dicidi na sali mesora cu urgencia rumbo pa Servicio di Emergencia na Dr. Horacio Oduber Hospital.  Aki  Docternan a spanta ora cu nan a mira e dama den e condicion ey.

Con por ta, cu un persona kende a hura di lo sirbi y proteha e comunidad di Aruba, esta un oficial di polis ta maltrata hende asina ey.

E dama a wordo interna mesora na Hospital, pa asina specialistanan sigui observa su condicion, y pa check e golpinan fuerte  na su cabez, cu ta esnan mas grave.

Asina mes den Hospital, e dama tin miedo cu e polis Ardila-Ortiz lo purba di atenta contra dje un biaha mas.  Aki esnan di Hospital a bise cu Security lo no permiti e agente drenta.  Asina e informe aki a yega na Alto Mando di Polis, y mesora a start un investigacion.

Ya caba Diaranzon merdia, Vocero Lito Lacle di Cuerpo Policial, a confirma na prensa cu e agente policial Ardila-Ortiz a keda deteni pa investigacion.

“E investigacion lo mester determina su envolvimento den e caso menciona,” agente Lacle a indica na DIARIO.

Polis no kier a duna mas informacion di e investigacion.  Pero por corda con den ultimo añanan, ta varios agente policial a perde nan empleo, debi cu nan tabata envolvi den un of otro maltrato severo di nan pareha y/of nan colega femenino.  E caso di maltrato di un Polis contra un agente femenino na Warda di Polis Santa Cruz ainda ta bibo den memoria di hopi hende.  E persona ey a perde tur su rango, promocion, y no ta trahando mas como Polis.

INVESTIGACION:

Polis no kier duna informacion, pero amiganan di e Dama maltrata a suministra prensa cu tur detaye.   Nan a admiti cu e Dama maltrata Diadomingo anochi, ta kedando ilegal na Aruba. Su pareha polis a priminti cu e lo percura pa drecha su papelnan, pero e amiga cu a sali bin dilanti pa e Dama herida, no por a bisa cu siguridad si esaki a sosode. Miedo cu e Dama ta, cu debi na e hecho cu su novio ta un oficial di polis, nada lo worde haci.

Amiganan awor ta wardando pa e dama sali for di hospital, hunto cu e Rapport Medico, pa asina nan por bay na e Fundacionnan y haya e yudanza necesario. E dama maltrata tin su wowonan hincha, su cara ta blauw, e tin sla na su wes’i lomba, cu tabata strobando e di cana. E dama a bay na awa di bida, cu’n calmante pa asina e por calma y sosega un poco.

Pero door cu e persona ta un polis, nan tin miedo di duna denuncia y cu toch no ta haci nada pa cu esaki. Pa tal nan ta canando e caminda pa asina haya yudansa di parti di Fundacion pa Hende Muhe den Dificultad, LandsRecherche y demas instancianan.

 

- Advertisement -

DUNA COMENTARIO

Please enter your comment!
Please enter your name here