Home Noticia Internacional E golpistanan a mata e rumannan, segun esposa di Ortega

E golpistanan a mata e rumannan, segun esposa di Ortega

26
0
SHARE
- Advertisement -

MANAGUA:– Durante su alocucion diario, e vicepresident di Nicaragua a reconoce cu e protestanan a laga 22 polis morto.

E vicepresident y primera dama di Nicaragua, Rosario Murillo, a atribui ayera na oposicion, cu el a acusa di “terorismo golpista”,  morto di 197 persona den protestanan contra gobierno di Daniel Ortega.

Ta “197 ruman cu a perde nan bida debi na terorismo gopista di parti di e criminalnan. Nan a mata nan, el a sentencia den su alocucion diario na medionan oficialista.

“Nan mester paga  pa nan crimennan, nan, e golpistanan a asesina nos rumannan”, Murillo a bisa mencionando cifra cu a wordo menciona den un informe presenta pa polis ayera.

E informe a señala cu entre 19 di april y 25 di juli a muri 197 persona “victima di terorismo golpista” entre nan a reconoce morto di 22 polis y solamente cinco studiante universitario cu a encabeza protrstanan.

E vicepresident a bisa cu “gobierno sa kendenan ta dirigi, promove, financia y ehecuta e golpi di estado, e intent sangriente di detene e bon rumbo di Nicaragua”.

Pero “nos lo vence, nos ta liber, nan no por y lo no pasa”, segun esposa di Ortega referiendo na e manifestantenan cu gobierno tambe a califica di ta “derechistanan, satanico, vandalico, delincuente y personanan diabolico”.

Den su intervencion, Murillo a pidi na varias ocasion husticia pa victimanan di “e golpistanan y desconoce e responsabilidad di gobierno den e represion violento cu nan ta eherce contra manifestantenan y cu a laga 317 morto y al menos 2000 heridos te awor.

E primera dama a señala cu e cifranan a wordo manipula pa “daña imagen di gobierno di Nicaragua” y cu ta existi un campaña “di difamacion nacional y internacional contra administracion di president Ortega.

- Advertisement -

DUNA COMENTARIO

Please enter your comment!
Please enter your name here