Home Parlamento “E idea ta pa hasi Hooiberg un atraccion turistico”

“E idea ta pa hasi Hooiberg un atraccion turistico”

24
0
SHARE
- Advertisement -

Endy Croes:

ORANJESTAD (AAN): Parlamentario di MEP Endy Croes ta haya cu tin hende a saca for di contexto locual el a bisa di e cruz cu e kier bin cune riba Hooiberg.

Durante un conferencia di prensa Diaranzon e parlamentario a bisa cu tin algun miembro di prensa cu a reacciona riba Facebook riba e articulo cual el a skirbi tocante e cruz y el a menciona Dilma Arends como un di nan.

“E contexto di mi articulo ta pa desaroya Hooiberg como un atraccion turistico, unda cu por drecha e trapinan, tournan por para eynan, por bin cu kiosco y restaurant etc”.

“Ta berdad cu nos ta den crisis, pero e fondonan pa esaki por bin directamente di turismo, esta placa cu ta wordo recolecta”.

“E obhetivo di e ley cu a drenta na Vigor na September 2010 cu ta regarda e Tourism Product Enhancement Fund (TPEF), ta pa mehora y embeyece e producto di turismo di Aruba”.

“Basa riba locual nos a trata, mi a presenta un mocion pa urgi Gobierno pa indica Hooiberg como un atraccion turistico y pa desaroya esaki como tal”, segun Croes.

“Pesey lo ta bon pa primordialmente hendenan di prensa hasi un tiki mas investigacion, ora cu kier cuestiona cualkier idea nobo”.

Esaki segun e parlamentario di MEP, kende a sigui bisa cu si tin desaroyonan bunita na San Nicolas, na Noord y na Playa cu e mesun fondonan aki, lo ta na su lugar pa bin cu desaroyonan tambe pa parti central di Aruba, esta Hooiberg.

El a sigui bisa cu e tournan di bus lo por pasa eynan tambe.

“Parce cu e distrito di Hooiberg no mag di haya un desaroyo”, segun Croes, kende a menciona cu tur e parlamentarionan presente den parlamento, a vota contra e idea di desaroya Hooiberg como un lugar turistico.

 

- Advertisement -

DUNA COMENTARIO

Please enter your comment!
Please enter your name here