Home Comentario E lucha di negoshi chikito Aruba y economia Venezolano

E lucha di negoshi chikito Aruba y economia Venezolano

62
0
SHARE
- Advertisement -

Mientras companianan petrolero mundial ta na careda

Inventividad a bira e guia principal pa sobrevivi 

ORANJESTAD   (AAN) — For di momento cu economia Venezolano a cuminsa tambalia, diariamente informacion ta drenta riba e problemanan cu companianan petrolero grandi ta enfrenta. DIARIO a bay investiga kico a pasa y ta pasa cu e lasonan comercial di e empresanan mas chikito di Aruba y companianan Venezolano. Kico e devaluacion di Bolivar a nifica? Kico e falta di placa pa Venezolano paga debe na companianan Arubano ta implica?

Nan ta e grupo lubida. Ora e portanan di Venezuela a cera, preocupacion tabata cu barconan di fruta no por yega Aruba mas.  No a tende di e suerte di Arubianonan cu ta biba di negoshi chikito cu exterior y sigur Venezuela.

Bay Venezuela y cumpra mercancia pa bende, pa hopi tempo a yuda aumenta entrada di hopi famia na Aruba. Cuanto placa e negoshi aki ta genera, ni autoridad economico di e pais por bisa cu exactitud. Si ta conoci cu ta e negoshinan aki a evita problemanan social serio na Aruba. Nan a contribui tambe na un efecto mas grandi di desempleo.

Negoshi chikito cu Venezuela no ta limita su mes na e negociantenan ambulante cu ta pasa cerca nan clientenan cu nan mercancia. Un parti di e grupo aki a habri negoshi estableci oficialmente y a uni na e grupo di comerciantenan chikito. Sinembargo nan lo a mantene nan lasonan cu empresarionan Venezolano, cu no por a cumpli cu nan mas.

Tin caso di Arubianonan cu a presta servicio na companianan Venezolano cu no por paga. Companianan internacional grandi ta duna prueba con dificil ta pa pidi abogado yuda yega na solucion. No tin placa.

Oficialmente Bolivar no ta aparece riba e lista di placa stranhero cu ta circula y ta regla pa Banco Central. Balor di Bolivar ta subi i baha. Ora e situacion a bira hopi serio gestonan lo a ser haci pa establece e resultado di e situacion.

Uza Dollar Mericano pa transaccionnan a bira un di e solucionnan. E debe cu companianan Venezolano tabata tin cu entidadnan Arubano, caminda tabata posibel a bira pago adelanta pa productonan Venezolano cu tabata manda Aruba.

Ora Nicolas Maduro a cera e portanan di Venezuela pa Aruba, el a kibra tambe e solucion pa negoshinan chikito Arubano haya nan placa na forma indirecto.

Hopi negoshi chikito di Aruba a kibra nan relacion comercial cu Venezuela temporalmente en espera di normalisacion di situacion gubernamental na e pais bisiña. Nan a busca partnernan nobo na otro pais. Costo a subi debi na e hecho cu Venezuela ta keda mas cerca di Aruba.

Un parti nunca a entrega nan negoshi. Na momento cu Maduro  a bolbe habri e porta Venezolano, e companianan mas chikito di Aruba a cuminsa bay Venezuela pa cumpra mercancia cu nan ta bende cu clientenan fiho na Aruba.

Nan ta competencia pa e negoshinan estableci den un localidad y conoci pa autoridadnan di belasting entre otro. E era moderno a duna nan e ocasion pa promove nan producto riba media social manera Facebook.

Tin ciudadanonan cu a cay den problema serio cu nan dependencia na producto  Venezolano. Nan ta victima tambe di Venezolanonan cu ta yega Aruba como refugiado social cu mercancia barata pa bende cu Arubianonan.

Dollar y no Bolivar ta e moneda pa tur negoshi chikito, cu a drenta un era nobo cu e regimen di Presidente Nicolas Maduro.

 

- Advertisement -

DUNA COMENTARIO

Please enter your comment!
Please enter your name here