Home Comentario Educacion mester bira un discusion politico

Educacion mester bira un discusion politico

15
0
SHARE
- Advertisement -

Remitido

Educacion mester bira un discusion politico.  Pakico?  Pasobra aki ta e formacion di e futuro di e sociedad.

Educacion ta forma e oportunidadnan presente y futuro di e siguiente generacion.  Aki tambe ta distribui e poder den e sociedad y ta asigna e rolnan den e estructura social.

Pesey den un educacion publico fuerte ta nifica mayor igualdad y mayor democracia.

Un gobierno cu ta desea di mira su Pais florece den campo di profesionalnan mester cuminsa duna educacion un parte importante pa e desaroyo di su pais. Hopi biaha ta culpa e hobennan di no ta duna suficiente tempo pa nan estudio pero a puntra pakico.

  1. Educacion mester ta GRATIS, pakico paga schoolgeld pa educa un mucha pa futuro di e pais.
  1. Pakico mayornan no ta manda yiunan school pa motibo di no tin placa pa paga schoolgeld.
  2. Pakico muchanan ta bay school sin desayuna, pasobra no tin pan na cas.
  3. Pakico mayoria di estranhero ta gradua y nos mesun yiunan ta na supermarket ta yena saco.
  4. Pakico culpa mayornan si nan cartera no tin suficiente placa pa paga uniform, tas, etc.
  5. Pakico laga un mucha cu ta studia lento un banda pa despues lage keda sinta y kite for di scol.
  6. Pakico un studiante ta keda sinta pa falta di 1 punto por worde yuda pa por subi su puntonan.
  7. A puntra e studiantenan pakico tin tanto frustracion y ta fada di bay school.
  8. A puntra pakico hasta pa studia mester sacrifica e mayornan humilde cu hasta no tin trabao.
  9. Cuminsa mira riba un miho futuro.

Laga scolnan worde paga pa gobierno pone suficiente placa den presupuesto pa scolnan worde drecha, maestronan cu miho salario, no haci loke ta pasando cu e stichting AZV cu ta laga hopi di desea pa e pueblo.  Asina cu un Departamento di gobierno bira un institucion e fenomeno conflicto di interes ta lanta for di morto.

Tin scolnan cu a lanta y ta cobra un dineral pa muchanan haya les anto e muchanan ta sali menos prepara cu nan a drenta, aki tambe gobierno mester pone un stop na scolnan priva pa ganashi y no pa yuda e studiantenan prospera.

Esaki ta mi opinion y mi ta mira si no bin cambio nos lo bira un isla sin educacion un isla pober.

Scolnan ta bay habri ban mira ki solucion tin pa nos futuro generacion ,ban lucha pa nos yiunan, ban apoya nan pa mira manjan profesionalnan ejemplar briya tur rond mundo y cu su bandera di Aruba den su man. Pa cuminsa baha salario barbaro di e impresanan di gobierno priva cu ta placa di pueblo. Tin di paga y hinca e placa aki den educacion di nos studiantenan.

Tin 3 punto cu un bon gobernacion tin di traha pa engrandece su Pais y caba cu pobreza y desigualdad:  (1) Educacion (por nada, gratis).  (2) Salud (lage bira di Gobierno y no un instituto).  (3) Desempleo. (Asina tur hende tin un miho bida y por aporta na e economia) no bay haya inflaccion.

Esaki no ta un critica esaki ta mi opinion basa riba un bon gobernacion transparente.  Ami no ta interesa den politica.  Ami ta lucha pa mira mi pueblo haya un mihor futuro.

 

Señora Omaira Britten.

 

- Advertisement -

DUNA COMENTARIO

Please enter your comment!
Please enter your name here