Eltienne Yarzagaray a celebra 10 aña di gospel cu concierto Dios ta cu Nos

    107
    0
    SHARE
    - Advertisement -

    ORANJESTAD  (AAN):  Diasabra  a tuma lugar e grandioso concierto Dios ta cu Nos. Esaki ta un concierto organisa pa Eltienne Yarzagaray y acompaña pa su banda United Melodies.

    E dia aki tambe por a presencia presentacion di invitadonan special manera: Miguel Genser, Sharon Rose, Anoushka Odor, Jetzenia Martinez, Raymond Browne y Nico Connor.

    Tabata un anochi sumamente bunita cu variacion di ritmo den e genero di gospel. E concierto Dios ta cu Nos a conta cu un sala completamente yen. Un y tur por a disfruta di un momento di alabansa  y un encuentro cu Señor.

    Eltienne Yarzagaray a celebra den e concierto aki 10 aña cantando su cancionan gospel pa e pueblo di Aruba. Esaki tabata su di 10 concierto organisa. Durante di e anochi por a scucha mas cu 20 composicion di Eltienne.

    Durante di e concierto Eltienne a pone enfasis riba temanan manera: nos relacion cu Dios, famia y unidad den nos pueblo.

    Eltienne y y United Melodies kier a gradici cada persona cu a yuda haci e concierto aki posibel y e pueblo di Aruba pa e sosten.

    - Advertisement -

    DUNA COMENTARIO

    Please enter your comment!
    Please enter your name here