Home Comentario Empleadonan di belasting cu ta atende cu publico mester siña con pa...

Empleadonan di belasting cu ta atende cu publico mester siña con pa trata hende

183
0
SHARE
- Advertisement -

Segun varios opinion:

ORANJESTAD (AAN) – E ultimo simannan aki nos redaccion ta hayando varios yamada di opinion publico, cu tur ta coincidi riba e mesun keho: “Esnan trahando na Belasting mester siña manera pa trata hende”.

Ban bisa si cu no por generaliza. Cu mester tin empleadonan cu ta atende cu cliente cu ta amable y duna bon informacion, pero ta obvio si cu e personanan cu ta yamando na nos corant, no tin e suerte di a topa précis cu esnan cu tin manera.

Cobranzanan di belasting ta yegando adresnan di e contribuidornan e dianan aki, y tin empleadonan di gobierno, por ehemplo, cu no por compronde con nan por haya mil y pico florin pa paga servicio di impuesto, si ta suppose cu e loonbelasting ta wordo kita for di salario.

Ta trata di personanan cu no ta recibi ningun otro entrada adicional y tampoco tin negoshi ni nada asina, pero si tin cantidad di cos pa paga manera hipoteca, auto, schoolgeld, y otro gastonan familiar, pa cual tambe tin cu paga tur e BBOnan cu tin.

Algun di e trahadornan aki a manda mas cu un aña pasa a yena un formulario den cual nan no ta mustra di no ta di acuerdo cu e monto, y e contesta nunca a yega pero Servicio di Impuesto si ta desconta un suma pisa for di nan salario. Esey si nan sa con pa haci!

Mirando cu riba e revision di nan pagonan cu ta suppose cu ta tuma lugar automaticamente for di nan salario, no a haya contesta, tin hende a bay personalmente. Cu masha mal manera un trahador ta bisa nan cu nan tey solamente pa haci areglo, cu nan tin cu bay para coi number den otro locket pa puntra.

No ta e hecho cu tin cu bay otro locket ta irita e cliente, sino e mal manera cu cual nan a wordo trata y como empleado publico cu tin asina tanto contacto cu pueblo, nan mester siña con pa trata hende!

E pagador di belasting mester haya un splicacion kico ta bayendo robes. Tin hende cu a yena mal e declaracion di impuesto, of hasta a paga hende pa hacie y tog a hacie mal. Y nan ta haya sa ora cu e cobranza yega nan cas, y na Belastingdienst mes nan ta wordo bisa cu e declaracion no ta bon yena. Di con no ta haci algo pa nan haya chens di drecha esaki prome cu nan bay cobra nan un dineral?

Tin ambtenaarnan cu nan ta kitando mil florin y ta kedando practicamente sin come, pasobra e placa aki ta trece pa nan un gran bashi. Pero asina mes, nan no ta haya oido, pero mal manera ora nan ta bay puntra kico a pasa cu e contesta cu nan tin mas cu un aña ta wardando.

Nan kier sa tambe ki sistema belasting ta uza pa cobra nan. Di con si trabao ta kita for di nan e placa di loonbelasting toch, nan ta manda papel pa nan comosifuera nan a keda debe. Varios persona ta bao impresion cu Servicio di Impuesto ta “un desaster” y ta kita placa di mas sin mag, den dia cla! Y ta e ambtenaarnan mas arogante cu tin, ta atende cu e pueblo. Claro no por generaliza, pero si e sentimento mustra na nos redaccion pa opinion publico, ta duna impresion cu e mayoria ta asina.

- Advertisement -

DUNA COMENTARIO

Please enter your comment!
Please enter your name here