Home Parlamento Endy Croes mustrando cu Marlon Sneek pa ocho aña a pidi ningun...

Endy Croes mustrando cu Marlon Sneek pa ocho aña a pidi ningun documento di bendemento di tereno y di adviesnan miyonario

29
0
SHARE
- Advertisement -

ORANJESTAD (AAN): Parlamentario Endy Croes a baha pisa riba Marlon Sneek den conferencia di prensa di Fraccion di MEP. Endy Croes a bini cu un map carga cu documento y a splica cu ta Fraccion di MEP a manda pidi Minister e documentonan aki y Minister cu tur transparencia a manda tur pa Parlamento y manera Marlon Sneek a ricibi esakinan sin studianan a pega un barco bisando usando matematica robez unda contract di 39.000 pa luna x 6 ta 2.4 Miyon Florin.

Envez di pidi un disculpa como cu tur ser humano por comete un eror el a bay sigui plama e conteo robez.

Endy Croes awor ta puntrando Marlon Sneek di con den 8 aña e no a haci su trabao di controla y awe bo kier pretende cu ta bo trabao bo ta haciendo. Parlamentario Croes a saca documento pa documento – un pa un – puntrando Marlon di con e no a controla y pidi documentonan relaciona cu otorgamento di tereno bao Ministro Sevinger.

Di con Sneek no a pidi documentonan di Abogado cu a cobra 5.3 miyon Florin na ‘advies.  Di con a check documento di un amigo di ex-Ministro de Meza cu a corba 1.2 miyon pa advies.  Of di amigo di Mike Eman cu a cobra 2.4 miyon pa advies, etc.

Unda Sneek a keda pa controla tur e contractnan ey?  Desaster ta poco pa locual AVP a causa y a laga atras. Pues si lider di Fraccion di AVP kier ta honesto, splica pueblo kico exactamente bo a haci 8 aña  largo. Parlamentario Croes a mustra den prensa tur e documentonan, un pa un. Tin hopi mas esaki ta solamente e inicio, Croes ta termina bisando.

- Advertisement -

DUNA COMENTARIO

Please enter your comment!
Please enter your name here