Home Parlamento Endy Croes splicando na Candelaria cu MEP a priminti 200 Polis nobo...

Endy Croes splicando na Candelaria cu MEP a priminti 200 Polis nobo den 4 aña

18
0
SHARE
- Advertisement -

ORANJESTAD (AAN): Dialuna mainta durante conferencia di prensa, Parlamentario Endy Croes di MEP a reacciona riba loke Parlamentario Robert Candelaria di AVP a declara recien.

Recien caba Parlamentario Croes a cuestiona con Candelaria a usa 4 pasashi paga door di Land Aruba pa e viaha bin e isla aki pa asina negocia su number riba lista di partido berde.

Tambe Parlamentario Endy Croes na un manera hopi cla a mustra cu documentonan y prueba con Candelaria a manipula y gaña.  Awor ata Candelaria a bolbe trece mentira dilanti cu gobierno te ainda no a cumpli cu promesa di 200 polis den promer 100 dia, Parlamentario Endy Croes mester a pone bek na su lugar.

Croes a reta Candelaria pa bin cu e documento unda el a lesa cu a priminti 200 polis den e promer 100 dia. Locual  Croes ta lamenta masha hopi ta cu Candelaria hustamente ta un ex-polis y ta permiti su mes worde usa pa AVP.

MEP a priminti 200 polis den 4 aña di gobernacion unda ta prepara 50 polis pa aña den 2 seccion di  dos grupo di 25 polis pa aña y pues den 4 aña lo logra 200 polis siguiendo e sistema aki cu Candelaria conoce bon bon.

Candelaria kier a chercha di Radar y Helicopter. Croes ta reacciona splicando cu el a papia cu Minister Bikker y tur ta na caminda.

Finalmente Candelaria a expresa cu unda e cana den pueblo, pueblo ta puntr’e ki dia ta “baha nan”.

Riba esaki Parlamentario Croes a termina bisando cu e tambe ta cana e mesun camindanan cu Candelaria ta cana y unda cu Croes pasa den pueblo, pueblo ta puntr’e ki dia ta “cera nan”.

- Advertisement -

DUNA COMENTARIO

Please enter your comment!
Please enter your name here