Home Parlamento Endy Croes ta cuestiona dicon Marlon Sneek no a pidi pa documentonan...

Endy Croes ta cuestiona dicon Marlon Sneek no a pidi pa documentonan durante gobernacion di AVP

30
0
SHARE
- Advertisement -

ORANJESTAD  (AAN): Dialuna mainta durante di e conferencia di prensa di tur Dialuna di fraccion di MEP, Parlamentario Endy Croes a reacciona riba locual e ta considera un ‘blunder’ grandi di parlamentario di AVP Marlon Sneek.

Cu e blunder Croes kiermen cu Sneek a comete un error grandi ora cu el a multiplica 39.000 florin cu 6 y el a bisa cu ta 2.4 miyon florin.

Esaki siendo cu e mester tabata 234 mil florin.

Sneek tabata papiando di cierto contrato di Serlimar.

Segun Croes, en bez cu Sneek admiti cu el a hasi un error den calculacion, el a bay na radio y bisa cu ta djis un has el a tira, door di bisa 2.4 miyon florin.
Croes a bisa tambe cu e parlamentario di AVP a bisa cu el a pidi documentonan alrespecto for di e Minister, pero segun Croes Sneek no a hasi esaki, sino ta fraccion di MEP a pidi e documentonan y nan a haya esakinan.

“Nunca pero nunca Marlon a pidi pa documentonan riba terenonan di pais Aruba cu tabata wordo bendi na un manera fraudulento”.

Esaki segun Croes, kende a menciona diferente tereno cu segun e Gobierno di AVP a otorga na entre otro Leoncita Arends, e yiu di Leoncita Arends y otronan.

Segun e parlamentario di MEP, tin di e peticionnan cu a wordo honra riba mesun dia of mesun siman, siendo cu otro hende mester warda añanan largo pa haya un pida tereno.

Croes a menciona varios suma halto tambe cu Gobierno di AVP a paga hendenan cu entre otro a campaña pa nan of a hasi mercadeo pa nan.

Sumanan cu segun Croes no ta husto pa wordo paga.

Croes a indica cu entre otro tur e dunamento di tereno aki y pagonan dudoso na amigonan di AVP, ta wordo investiga.

El a indica cu nunca el a tende Sneek pidi pa documentonan tocante esaki, siendo cu awor el a bisa cu el a pidi pa haya documentonan rond di e asunto di Serlimar.

“Wel 8 aña bo tabata ronca den Parlamento anto”, segun Croes.

 

- Advertisement -

DUNA COMENTARIO

Please enter your comment!
Please enter your name here