Home General Entiero conmovedor di Hubert ‘Ski’ Arrindell

Entiero conmovedor di Hubert ‘Ski’ Arrindell

1901
0
SHARE
- Advertisement -

ORANJESTAD (AAN)— Diasabra a tuma lugar entiero di Hubert Arrindell, miho conoci como Ski, kende a wordo herida un bala di arma di candela y despues el a fayece banda di Waf Chikito.

Ski ta un persona cu caracter trankil, y ta conoci di ta habita e area aki pa 25 aña largo, sin a molestia ningun hende y nunca a horta ningun hende, apesar cu bida a trate diferente cu otro hendenan y caminda adiccion a tuma over su resto di bida.

Esaki a bin, siendo cu antes Ski tabata luci den mundo di deporte!  Ademas di tabata hunga y train futbol cu team di RCA, e tabata tambe hopi activo den Bike Cross BMX.  Ski tabata un hoben cu a sa di defende orguyosomente e bandera di Aruba y a logra di obtene titulonan importante den e Mundo di Bike Cross.

Diasabra mainta a organiza su entiero, cu su caha di morto poni riba e pida santo blanco na Waf Chikito.  Aki por a mira un grupo basta grandi di Amistad, amigo y conocirnan cu a bin bisa Hubert ‘Ski’ Arrindell e ultimo adios.

Sra Clifford Rosa, como president di Fundacion Rancho a hiba palabra na tur esnan presente sigur por a conta basta storia di Ski, mirando cu e tin basta conocimento di sucedidonan den Rancho.

Despues tabata Sra. Audry Lacle Croes, como president di Adopt a Addict cu tambe a hiba palabra y a splica con importante ta pa adopta un adicto y duna posibilidad na un ser humano, pa por tin un mihor bida cu esun di un persona cu problema di adiccion.  Su yiu homber tabata para constant na e Caha di Morto, y tabata ricibi sosten di su coleganan di team di Futbol Dakota.

Pastoor Jairo Maduro tabata esun cu a haci e ceremonia y a duna un amplio splicacion di loke Biblia ta bisa, pa nos como yiunan di Dios, tin di haci, prome cu morto cay y no despues di morto, ta busca manera pa yuda un persona cu a cay den adiccion.

DIARIO ta manda palabra di hopi forza na e famia, amigo y conocirnan di Ski y cu Ski sosega na paz.

 

- Advertisement -

DUNA COMENTARIO

Please enter your comment!
Please enter your name here