Home Social Entiero Señora Maria Annette Maduro-Lampe

Entiero Señora Maria Annette Maduro-Lampe

593
0
SHARE
- Advertisement -

ORANJESTAD (AAN) — Diasabra a tuma lugar na Misa Birgen di Fatima na Dakota, entiero di señora viuda Maria Annette Maduro Lampe, un señora cu masha hopi persona tabata tin masha respet pe, mirando cu no solamente e tabata un señora cu a sa di lanta 15 su yiunan cu sudor di su frente y a bira un señora hopi respeta den su bario.

Señora Maria Maduro tabata tin tambe e privilegio di por a celebra su di 109 aniversario y hopi ta esnan cu ta bisa cu e señora aki mester a haya e atencion di nos gobernantenan pa asina por a hinke den The Guinness Book of Records. Tambe hopi biaha a comenta cu lo tabata na su lugar, pa e caya caminda señora Maduro tabata biba, haya su number como honor pa su gran esfuerzo y perseverancia.

Durante di e anochi di duna condolencia y Diasabra cu ta e dia di entiero, nos por a wak con señora Maduro a biba, ya cu masha hopi hende a bin rindi respet pa cu su entiero y asina duna palabranan di hopi forza na e famia cu a keda atras cu un bashi grandi.

Diario cu esaki ta manda palabranan di hopi forza na e famia di señora Maria Maduro Lampe y cu señora Maduro sosega na paz.

- Advertisement -

DUNA COMENTARIO

Please enter your comment!
Please enter your name here