Home Gobierno Entrada di Gobierno a baha luna pasa cu 4.5 miyon compara cu...

Entrada di Gobierno a baha luna pasa cu 4.5 miyon compara cu Maart 2017

210
0
SHARE
- Advertisement -

93,5 miyon florin a drenta den caha na Maart 2018

ORANJESTAD (AAN): Na maart 2018, entrada di gobierno a suma Afl. 93,5 miyon, cual ta Afl. 4,5 miyon menos compara cu e mesun luna di e aña anterior.

Esaki a resulta for di un reduccion den entrada di impuesto (‐Afl. 6,4 miyon) y un subida den entrada no relata na impuesto (+Afl. 2,0 miyon).

E bahada den entrada di impuesto ta relata principalmente na menos entrada for di accijns riba gasolin (‐ Afl. 10,6 miyon) y accijns riba tabaco (‐Afl. 2,6 miyon).

E bahadanan aki a wordo parcialmente mitiga pa mas entrada for di impuesto riba entrada (+Afl. 3,8 miyon), impuesto riba divisa (+Afl. 1,3 miyon) y benta di negoshi (B.B.O.) (+Afl. 1,0 miyon).

E cifranan aki ta loke Banco Central di Aruba ta mustra riba su relato mensual di Maart 2018, cual ta disponible riba nan website.

 

 

 

 

 

 

 

 

 

 

 

 

- Advertisement -

DUNA COMENTARIO

Please enter your comment!
Please enter your name here