Home Gobierno Entrante 1 di Januari 2019 lo inicia proceso di prohibicion pa loke...

Entrante 1 di Januari 2019 lo inicia proceso di prohibicion pa loke ta uso di “foam boxes”

1708
0
SHARE
- Advertisement -

A anuncia tambe prohibicion riba uso di “suntan/block” cu substancia dañino

ORANJESTAD (AAN):  Minister Otmar Oduber diamars mainta a haci varios anuncio importante pa loke ta trata preservacion y cuido di nos medio ambiente den su totalidad.

El a bisa cu esaki ta decisionnan cu ta wordo tuma cu tin un efecto hopi grandi y cu ta pone Aruba den luz positivo riba mapa mundial, no solamente den relacion cu parke y areanan protegi, pero pa comunidad den su totalidad.

Durante e anuncio aki tabata tin presencia di ex Gobernador Freddis Refuñol den calidad di Presidente di Fundacion Parke Nacional Arikok, Sr. Van Drie Voorzitter di DCNA y Sr. Arjen de Wolff director di STINAPA (Bonaire) y tambe miembro di DCNA.  

OXYBENZONE

Minister Oduber a indica cu pa hopi tempo tabata tin e deseo pa e proteccion por tuma lugar. Dia 20 di augustus ultimo, a dirigi un carta pa Presidente di Parlamento di Aruba caminda cu a notifica parlamento cu gobierno tin e intencion cu pa 1 di Januari 2019 pone un prohibicion pa loke ta trata uso di “suntan” y “sunblock lotions” cu ta contene substancianan dañino manera “Oxybenzone”.

E substancia aki ta hopi dañino pa loke ta e coralnan y e bida marino. “Na Aruba nos por ta consciente cu si tin casi 2 miyon turista pa aña ta uza continuamente e tipo di suntan lotion of e blocknan aki, e daño grandi cu e ta haci na nos medio ambiente y muy particularmente na nos parti di bida marino, cu Aruba ta tuma un paso dilanti den cuadro di proteccion di nos medio ambiente”, e mandatario a expresa.

FOAM BOXES Y OTRO MATERIAL DI PLASTIC

E di dos decision cu a pasa den Conseho di Minister ta e hecho cu ta pone un prohibicion desde 1 di Januari 2019 pa loke ta trata tur material di “foam”,  “foam boxes” entre otro y materialnan similar conoci aki na Aruba.

Minister Oduber a enfatiza cu lo duna un aña di “overgang fase”, cuminzando Januari, ora cu lo haci e anuncio oficial. Kiermen cu pa Januari 2020 esaki lo mester ta completamente prohibi aki na Aruba como tambe e uso di “single use plastics” manera “straw”, cups cu ta uza un solo biaha, etc.

“Aworaki a combinacion di e decisionnan aki cu Gobierno ta tuma ta den cuadro di por proteha nos medio ambiente, manera mi a bisa, pa percura naturalmente cu nos ta cana dilanti y pa mustra tambe nos bishitantenan cu nos ta care. Cu nos tin nos medio ambiente na pecho”, Otmar Oduber, a duna di conoce.

- Advertisement -

DUNA COMENTARIO

Please enter your comment!
Please enter your name here