Home General Entre 2017 y Augustus 2018 a elimina un total di 3700 lionfish...

Entre 2017 y Augustus 2018 a elimina un total di 3700 lionfish di nos lama

34
0
SHARE
- Advertisement -

Tin hopi lion fish den lama profundo na e costa panoord di Aruba

ORANJESTAD (AAN): Aruba Lion Fish Initiative Foundation a raporta cu entre 2017 y te cu Augustus 2018 a elimina 3700 lion fish di nos lama.  Na 2017 a remove 2700, mientras cu te na 1 di Augustus 2018 a elimina 1000.

Esaki ta datonan cu e fundacion a compila den nan prome y di dos “newsletter” di 2018, asina Luciano Mazzeo, miembro di e fundacion a duna di conoce den entrevista cu DIARIO.

Lion Fish ta un peste na Aruba cu mester wordo reduci. Nan ta come tur pisca cu ta pasa dilanti (webonan) y nan ta causando hopi daño na nos rifnan.

Pa e motibo aki ta buscando e manera pa duna train y certifica mas boluntario pa drenta den lama y gara e Lion Fishnan. Esaki mester di un train, ya cu mester tene cuenta cu e pisca tin su veneno cu ta causa hopi dolor, si bo mishi cu e pisca. Pero tur esaki por evita door di wordo training, Mazzeo a indica.

Te cu awor ta trahando cu hermentnan basico pero kier yega na mas posibilidad pa haci estudionan mas detaya manera mapeonan y haci e trabao di buskeda uno mas facil.

Segun datonan, tin hopi lion fish den lama profundo na e costa panoord di Aruba. Na Malmok, na mas o menos 25 meter di profundidad, por haya cu e area ta pesta di lion fish. Banda di e beach, na 3 meter di profundidad tambe a haya piscanan di e tipo aki.

Den lama profundo, unda e grouper ta pone nan webonan, eynan por haya lion fish cu ta bin come e webonan di e grouper of di otro piscanan bahando e poblacion di e tipo di piscanan aki cu ta comestible.

Luciano Mazzeo a subraya cu e meta semper ta pa reduci e poblacion di lion fish. “Ta un pisca hopi bunita y ta un lastima cu mester elimin’e pero pa esaki a crea un strategia unda ta saca e lion fish di lama y esaki por wordo utiliza gastronomicamente”, a agrega.

Actualmente, Aruba Lion Fish Initiative Foundation tin 63 divers educa y certifica pa yuda remove e lion fish den un forma sigur. Tog, e cantidad ta keda tiki mirando e problematica.

Pronto, e fundacion lo tin nan website (www.ArubaLionFish.org) totalmente actualiza cu informacion  y datonan disponible pa henter comunidad, Mazzeo a indica.

 

 

 

- Advertisement -

DUNA COMENTARIO

Please enter your comment!
Please enter your name here