Home General Esnan di United Farmers Aruba a bay check Dragonfruit na Cunucu di...

Esnan di United Farmers Aruba a bay check Dragonfruit na Cunucu di Jimmy

35
0
SHARE
- Advertisement -

ORANJESTAD(AAN): E trend di produci fruta y berdura localmente ta hayando mas atencion riba e isla aki.  Pueblo ta cuminza bira mas conciente pa busca productonan produci aki mes, pa asina tin garantia cu e ta mas fresco y mihor calidad.

Tur siman, miembronan di United Farmers Aruba (UFA) ta haci nan bishita semanal na e miembronan di e organizacion. Esaki ta sosode riba tur diasabra pa 5’or, una nan ta cera conoci cu un ke otro cunucu. Actualmente e organizacion aki tin 19 miembro. Meta di UFA ta pa yuda e cunukero bay p’adilanti y sostene otro pa nan yega na nan meta.

E biaha aki, UFA a bishita Cunucu di Jimmy, cu ta hopi conoci den comunidad pa e diferente productonan cu e ta cultiva. E biaha aki e miembronan di UFA a bay y conoce e dragonfruit.

James “Jimmy” Ramos, a guia e miembronan den su cunucu y mustra nan loke e tin y tambe laga nan purba e fruta aki..

Jimmy mes ta miembro di UFA. E ta contento di ta parti di dje, pa asina sostene e agricultornan di Aruba. Dragonfruit ta un producto nobo, cla pa exporta for di Aruba. Fuera di e miembronan di UFA, Jimmy a haya bishita di parti di Minister Rudy Lampe, como tambe parlamentario Ricardo Croes.

Jimmy a cuminsa cu su cunucu na 1994 y a registra na 1997. Den bon y den malo e ta cu su cunucu y awe e ta contento cu a logra bin cu un asociacion di agricultor na Aruba. E ta spera cu lo bay logra nan metanan pa nan por ta autosostenibel na Aruba. Manera cu tur hende por wak, Venezuela a cera su porta pa motibo di e situacion caotico cu nan tin. Pero nos por na Aruba. Pero cu poder di Dios y cu tecnologia por logra hopi. Jimmy ta pidi pa aporta na loke ta dibo. Bin purba bo dragonfruit na Cunucu di Jimmy, unda cu bo por purb’e por nada. E ta bon pa combati sucu y pa e atleta, no papia mes, el a splica.

UFA

Gregory Fung-A-Fat ta presidente di UFA y ta contento di a mira cara y miembronan nobo. Tambe ta contento di wak un di e plantacionnan mas grandi di Aruba, cu diferente tipo di berdura y fruta. Jimmy ta conoci pa su plantacion di dragonfruit. Segun Fung-A-Fat e ta number dos di e cunukeronan di Aruba. Si bira un miembro, esaki ta un di e cosnan cu nan ta promove pa conoce otro, riba un otro nivel. Un di e metanan di UFA ta pa wak kico ta e preocupacion di nan miembronan. Ta pa e motibo aki nan ta bay cerca nan y papia cu nan den un comunidad estrecho.

Vice presidente di UFA, Jareth Vermeulen, kende tambe ta vocero di e organizacion. Manera ya menciona, nan tabata cu nan bishita semanal di e cunucunan na Aruba. E organizacion aki ta traha cu e meta pa percura pa e cunukeronan bay dilanti y UFA tey pa yuda. Na Cunucu di Jimmy, no solamente e tin e dragonfruit, pero e tin su bonchi largo, figo entre otro, fuera di mas fruta y berdura cu e ta cosecha. Idea di UFA ta pa tin tur cunukero cay bao di e organizacion, pa asina cu tin cualkier problema, of tambe nan tey pa yuda nan sali padilanti.

E organizacion ta fuerte y si tin cunukero kier bira miembro of cualkier persona cu ta interesa pa agricultura di Aruba, pa uni cu nan.

- Advertisement -

DUNA COMENTARIO

Please enter your comment!
Please enter your name here