Home Salud Estudio a wordo haci pa hinca seguro di viahe den pakete di...

Estudio a wordo haci pa hinca seguro di viahe den pakete di AZV pero no a resulta den un contesta positivo

21
0
SHARE
- Advertisement -

Solange Tchong a laga sa

ORANJESTAD  (AAN): Pa un hende por viaha e por cera un seguro di viahe, pero AZV si no ta suministra esaki. Ley di AZV ta prescribi of ta stipula cu e seguro ta uno medico na Aruba, solamente riba peticion bo por haya un aprobacion di AZV pa haya cuido medico den exterior.

Segun vocero di AZV, Solange Tchong, AZV no ta bende seguro di viahe. Tin si cu den pasado estudio a wordo haci, no solamente pa bende un seguro di viahe, pero hasta kisas un pakete adicional.

Sinembargo esaki no a resulta den e un contesta positivo of cu lo ta bisa di biaha pa haci’e. Esaki a haci cu AZV te ainda no a tuma e paso ey. Kisas algo pa futuro, pero pa awor aki no ta bendiendo seguro di viahe. Sinembargo si, tin algun aña caba activamente ta informa y concientiza comunidad e importancia pa no keda sin cumpra un seguro di viahe. No ta pasobra cu AZV no ta bende un seguro di viahe, ta nifica cu bo no ta bay tum’e.

Como AZV e ta hustamente hopi importante pa por cumpra un seguro di viahe na momento cu bo ta bay cu vakantie, pa asina bo tin esaki, pa cubri cualkier gasto medico cu bo haya bo cun’e.

Den pasado tabata tin Arubianonan cu tabata bay den exterior, y ora cu cos pasa cu nan, nan tabata bati na porta di AZV. Pero ultimo añanan e no ta sosode asina hopi.

Loke AZV por bisa ta cu ta kere toch cu mas y mas e publico en general of en todo caso, e clientenan di AZV ta tumando nota di e parti cu AZV ta valido na Aruba. Personanan cu bay den exterior riba nan mes, mester cumpra un seguro di viahe y si nan ta bay por ehempel pa busca tratamento medico den exterior, e ta asina cu semper nan por bin bek y cay bek den e sistema di cuido medico na Aruba. Esey ta algo asina.

Segun Tchong, dificilmente AZV por bay bisa cu ta bay stop esey, pasobra tin cu corda cu cuido medico ta uno riba indicacion. Na momento cu abo meld cerca un dokter di cas. Supone cu bo a bay un dos of tres luna pasa a bay den exterior, a haci un check up y hasta haci un tratamento medico cu bo mes a paga, e ta asina si cu na momento cu abo meld bek cerca bo dokter di cas, of specialista na Aruba, si tin necesidad pa e cuido medico tuma luga, bo mester haya esaki. Esey ta nifica cu e dokternan di Aruba lo atendebo of lo yudabo depende e situacion cu surgi e momento ey cerca nan.

E recomendacion ta keda pa cera bo seguro. AZV ta lamenta hopi loke a sosode cu e mucha muhe den e accidente na Malmok. E ta un ehempel di con vulnerabel nos bida humano ta. E mesun recomendacion ta keda semper pa cumpra un seguro di viahe. Ta pensa tambe cu ora bo ta bay di vakantie, cu mesun cos cu bo ta spaar bo placa of pone bo placa un banda pa bo bay e vakantie, ta importante pa bo pone bo placa un banda pa cumpra un seguro di viahe prome cu bo bay den exterior.

Tambe esaki ta birando mas y mas accesibel pasobra como AZV nan mes ta tuma nota di diferente compania di seguro cu ta haciendo e prijsnan atractivo. Ta papia aki di algun cu ta cuminsa for di 5 pa 6 florin pa dia, te mas halto. Pero sigur sumanan cu ta kere cu e ta bale la pena pa bo cumpra e seguro di viahe y evita asina un gasto di por ehempel 100 mil florin of 100 mil dollar. Cuido medico ta caro. No solamente na Aruba pero full rond mundo.

Berdad, finalmente ta keda e miho recomendacion cu ora bo ta bay sali for di Aruba pa bay riba un vakantie, importante ta pa bo cumpra bo seguro di viahe.

 

- Advertisement -

DUNA COMENTARIO

Please enter your comment!
Please enter your name here