Home Deporte Expectativanan ta grandi pa competencia di fitness Giovanni Classic

Expectativanan ta grandi pa competencia di fitness Giovanni Classic

31
0
SHARE
- Advertisement -

ORANJESTAD (AAN) – Dia 25 y 26 di augustus ta bay tuma lugar den e prestigioso ballroom di Aruba Marriott Hotel e competencia Internacional di Fitness Giovanni Classic.

E competencia aki a wordo propaganda mundialmente ariba tur media cu ta cubri actividadnan di IFBB Internacional como un di competencianan mas importante ariba nivel mundial. Aruba y tur loke tin pa ofrece e bishitante a profila den tur e promocionnan. Video, y clipsnan di Aruba a circula internacionalmente den media na 194 pais.

Esaki a trece cune cu Aruba ta bay haya bishita di atletanan, famianan, amistadnan di e atletanan amateur y profesional y di fansnan di e professionals.

E motor tras di Giovanni Classic ta Giovanni Arendsz y su team cu ya tin experiencia amplio den organisa competencianan internacional pero pa prome biaha ta organizando un competencia profesional.

Organizadornan ta expect cu entre 200 pa 300 camber reparti entre e hotelnan na Aruba lo ta ocupa cu hendenan cu ta bin en coneccion cu e competencia aki. Esaki sigur lo ta un contribucion na hotel  restaurant y e industria di turismo y economia di Aruba.

E competencia aki no lo tawata possible sin e partner strategico Lotto pa Deporte y otro sponsernan cu ta kere y sostene e vision di Sport tourism pa Aruba.

Pueblo di Aruba ta keda invita pa bin wak e competencia caminda 30 pais a registra nan participacion y cada pais lo bin cu mas di 6 atleta aki ta algun di pais nan cu lo ta den e campeonato Hulanda, Merca, Colombia, Venezuela, Bahamas, Trinidad, El Salvador, Argentina, Spaña, Chile, Curacao, Republica Dominicana, Brazil, Poland, Angola, Zimbabwe y Aruba.

 

- Advertisement -

DUNA COMENTARIO

Please enter your comment!
Please enter your name here