Home Labor Fecha di Juni a pasa y ainda Aruparking no ta trahando normal...

Fecha di Juni a pasa y ainda Aruparking no ta trahando normal bek

59
0
SHARE
- Advertisement -

Segun Sindicato SEPPA:

ORANJESTAD(AAN): E preocupacion cu SEPPA tin ta for di dia 3 di Mei 2017, for di momento cu gobierno a pone un paro na klemmento di auto. E klem tabata un solucion pa esnan cu no tabata paga pa parkeo.

Segun Magali Brito di SEPPA, aunke cu gobierno a informa tanto SEPPA como trahadonan y tambe gerencia di Aruparking cu e lo para responsabel, of garantia pa tur eventual perdida di entrada, etc. cu Aruparking lo por sufri di dje, pero tambe cu e ta garantisa trahadonan di Aruparking nan entrada y nan trabao. Por bisa cu te ainda nada no a sosode.

E sindicalista a splica cu a bin cambio di gobierno, cambio di minister. E minister encarga na comienso di aña a bisa SEPPA cu e ta preparando un plan pa esaki. Na e momento ey e tabata den un fase pa pone un raad van commisarissen nobo cu lo bay ta encarga cu Arubus y automaticamente Arutram y Aruparking. Te ora cu a yega e luna di Mei. Na Mei el a informa SEPPA su intension pa pasa e trahadonan aki of e tareanan di Aruparking bao di un departamento di gobierno. Esaki lo ta mas facil.

Ademas cu bao di e departamento di gobierno tin e personanan autorisa pa eventualmente si mester duna boet, tuma pasonan, etc. E unico problema cu e tabata tin cun’e tabata entre otro e asunto di klem auto, cu e tabata haya esaki inhumano y cu e lo tabata kier pa bin un otro formula, pa bin cu un sancion pa esnan cu no ta cumpli.

Esey segun Brito, tur hende lo por ta di acuerdo cu e asunto di klem auto ta un sancion hopi fastioso. Principalmente pa turistanan. E ora eynan esey tabata en espera pa wak si ta yega na un solucion. Y cu e tempo ey el a informa cu entrante 1 di Juni, Aruparking lo cuminsa opera normal.

Manera cu ta wak, 1 Juli a pasa, 1 Augustus a pasa y nada no ta pasando. Aunke por bisa cu e trahadonan cu ta cobrando, e trahadonan no tin nada di reclama. Loke a mustra e representantenan di e minister riba e dia aki, unda cu e trahadonan a bay pa entrega gobierno of minister un carta, pa urgi’e, pa asina e tuma un decision rapido y efectivo y pa por cuminsa opera normal.

Tampoco e ta corecto pa keda bisa e trahadonan cu e ta cobra y mester ta contento. Esey ta expresionnan cu ta haci hopi daño na e trahado, pa motibo cu e trahadonan tur dia desde e decision di 2017, ta bay trabao, sin un perspectiva. E no sa kico ta bay pasa. E incertidumbre ta grandi. Bo ta mira tambe cu poco poco con Aruparking mes a keda bay atras pa falta di entrada. Por mira hasta esnan cu a cumpra e vaknan geel, no ta uza esakinan, y ta bay pa esun mas facil, cu ta e vaknan blanco.

Kiermen no ta haya vak blanco ni si bo kier paga. E vaknan geel, tampoco bo por uzanan pasobra bo ta haya un boet of ta takel bo auto. E tarea ta bira hopi dificil. E trahadonan ta reclama cu evaluacionnan no ta tuma luga. No tin chens cu nan ta bay p’adilanti pa nada y materialnan tambe ta cuminsa bay atras.

Nan mes ta trahando cu uniformnan bieu, etc. tur pa falta di entrada. Si gobierno a para garantia cu lo para responsabel y lo paga Aruparking, e placa cu nan ta perde di gana, si Gobierno haci esaki, e ora en todo caso Aruparking tin placa pa cumpli cu su trahadonan mas miho. Esey tambe tabata un di e peticionnan cu tabata tin na e minister.

Segun Magali Brito, den e reunion aki, e unico cos cu nan a haci tabata cu nan a bay back na loke a bisa na Mei, cu si nan ta bay over pa pone Aruparking of a tareanan di Aruparking bao di un departamento di DTP. E ora ey e lo ta cuadra hopi mas cu e departamento aki cu ta atende cu transporte publico.

Esaki nan ta calcula cu den un siman nan lo bay conseho di ministronan pa e decision final tuma luga y na e mesun momento ta instala tambe un comision unda tin representacion di SEPPA en todo caso den dje pa atende con e traspaso lo tuma luga, cua ta e condicisionnan etc. Pero e ora eynan pa trece e trankilidad back bao di e trahadonan y asina pronto tambe Aruparking por cuminsa funciona manera mester ta.

Apesar tambe a menciona cu na e momentonan tambe ainda tin hendenan cu lo por ta contra e asunto di cobramento. Despues di e un aña aki ta hopi mas peticion a drenta, principalmente pa caya grandi, pa bin back cu e asunto di cobramento pasobra no tin luga di parkeer den cayana grandi of den e vecindario, segun Magali Brito.

E minister a calcula cu den un siman e ta bay conseho di ministronan. E ta instala di biaha e comision y e ora ey den un periodo di tres luna, mester por keda cla cu tur e trabaonan aki, el a menciona por ultimo.

 

- Advertisement -

DUNA COMENTARIO

Please enter your comment!
Please enter your name here