Home Gobierno Fiansanan di gobierno riba mercado internacional tin interes mas halto

Fiansanan di gobierno riba mercado internacional tin interes mas halto

86
0
SHARE
- Advertisement -

Minister di Finansa, Asuntonan Economico y Cultura:

compara cu e fiansanan local pa mas cu un decada caba

ORANJESTAD— – Ministro di Finansa, Asuntonan Economico y Cultura señora mr. Xiomara Ruiz-maduro a tuma nota di un publicacion riba un pagina social di un media local referiendo na e fiansa di Gobierno di Aruba riba mercado internacional, caminda ta trece dilanti cu e interes ta na 6.5%, cual ta mas halto cu interes pa hipoteca pa un cas.

Den e articulo ta insinua cu e interes pa e fiansa haci pa e mandatario di finansas, ta 2% mas halto cu interes cu e Gobierno anterior a fia algun aña pasa.

Mirando e hecho cu e publicacion aki ta carece di berdad, Ministro di Finansa, Asuntonan Economico y Cultura ta asumi su responsabilidad pa coregi e informacion incorecto aki. Realidad ta cu ya pa mas di un decada e fiansanan di Gobierno di Aruba riba mercado internacional tin interes mas halto compara cu fiansanan local.

E interes riba fiansanan internacional ta mas halto cu e interes riba un hipoteca di cas. Esaki no ta nada nobo y politiconan di oposicion, sigur esnan cu tabata consehero of ex Minister, mester por sa esaki masha bon.

Den e grafico adhunto por mira cu desde 2009 Gobierno di Aruba ta paga un average di 6.5% na interes riba fiansa internacional. Na 2014 ainda Gobierno di AVP a sera tres prestamo internacional riba cual awe nos ta paga mas cu 7% na interes pa aña, debi cu e Gobierno di AVP no a fia na interesnan fiho.

Ta di lamenta cu despues cu esnan di oposicion a traha un debe asina grandi pa Aruba, awe ainda nan kier presta nan mes, scondi tras di saya di un periodista, pa mal informa Pueblo. Lo ta mihor pa usa e conocemento adkiri como consehero y ex Minister di nos Pais, pa contribui positivamente na bienestar di Aruba y no sigui den e mesun caminda di manipulacion y engaño.

Di su parti, Ministro di Finansa, Asuntonan Economico y Cultura señora Xiomara Ruiz-Maduro como mandatario responsabel y serio ta hibando un maneho transparente y esaki ta contribui cu awe Aruba ta ganando e confiansa bek cerca e institutonan financiero internacional, segun comunicado for di despacho di e ministro.

 

 

- Advertisement -

DUNA COMENTARIO

Please enter your comment!
Please enter your name here