Home General Fondo di pensioen di SVb ta den un fase di recuperacion

Fondo di pensioen di SVb ta den un fase di recuperacion

41
0
SHARE
- Advertisement -

Edwin Jacobs di SVb:

ORANJESTAD (AAN): Director di SVb, Edwin Jacobs a duna un indicacion con e desaroyo ta bayendo den e fondonan. Tabata tin un informacion cu no a wordo completamente bon interpreta. Tabata e situacion di e fondo di pensioen di biehes.

Manera ta conoci, e fondo di biehes, na comienso di e decada aki, tabata den un situacion hopi precario. Despues a bin e reformanan y desde 2014 p’adilanti e fondo aki, cual ta un fondo hopi importante pa nos grandinan, a drenta den e fase di recuperacion.

Tur aña awor aki, e economia mester draai pa duna e extra cu SVb ta pone den e reserva pa e fondo por sigui crece. E reserva di e fondo ta hopi importante pa por atende e grupo grandi di pensionado, cu ta bay ta drentando e fondo despues di aña 2025.

E momento aki e strategia cu a wordo usa pa e reforma ta, cu den e añanan aki, te cu 2025 tin cu crea reserva. Tur aña bo mester tin surplus riba e aña ey, esta bo primanan mester ta mas hopi cu bo gastonan. Esey ta pon’e riba bo reserva pa bo bay p’adilanti.

A indica cu na e momento aki e reserva ta entre 1 y 2 luna. No ta nifica si cu esey tin pa paga. Tur luna ta ricibi for di belasting locual nan colecta na impuesto. Ora cu kita for di dje loke ta paga, loke resta ey ta manda riba e reserva. Esey ta sosodiendo tur luna desde 2014 bin p’adilanti.

Deficit

Desde 2006 y 2007 p’adilanti, e fondo a cuminsa conoce deficit anual. E prima cu tabata tin, no tabata yega pa paga e pensioen. E momento ey e fondo tabata tin un reserva di casi 200 miyon florin. A cuminsa come den dje. A cuminsa come rapidamente, segun Jacobs. A premira cu pa 2013/2014 e reserva lo a caba. A avisa Gobierno cu suficiente anticipacion y ora a tuma e medidanan pa evita esey.

A yega si na aña 2013/2014, e momento di mas abao di e reserva cu e fondo tabata tin. Tabata tin inversionnan cu mester a bende. El a bende nan cu e fondo di cesantia pa haya e placa pa por a paga pensioen. E reserva ta hunga un rol importante den plan di recuperacion cu tin cu keda aumenta e reserva ey pa temponan di berans. Cosnan draai bon, por mira den SVb cantidad di trahado ta sigura, ta aumenta, ta nifica cu e economia ta lorando.

Kisas no manera cu tabata desea, pero e ta lorando. Tin cu mir’e bek tambe den e prima cu SVb no ta cobra. E prima di pensioen di biehes, SVb no ta cobr’e. Esey ta wordo cobra pa DIMP. Si e dos datonan ey, si un ta crece e otro no ta crece, ta nifica cu tin un caminda cu un hende no ta cumpliendo cu su obligacion.

 

 

 

 

 

 

 

- Advertisement -

DUNA COMENTARIO

Please enter your comment!
Please enter your name here