Home Gobierno Fondonan pa ehecuta e plan di crisis social ta bay den un...

Fondonan pa ehecuta e plan di crisis social ta bay den un “begrotingsfonds”

11
0
SHARE
- Advertisement -

Tin instancia cu a purba tranca e placa:

ORANJESTAD (AAN) – Den conferencia di prensa Minister Glenbert Croes, Titular di Labor y Asunto Social a contesta algun pregunta, entre otro, tocante un problema burocratico cu a surgi pa los e placa pa e Plan Crisis Social wordo implementa.

E dignatario a confirma cu tabata tin un “bottle nek” pero el a wordo soluciona entre Diabierna siman pasa y Dialuna di e siman aki y nan a yega na un acuerdo pa crea un “begrotingfonds” pa un periodo di dos aña.

Minister Glenbert Croes a menciona cu esaki ta hopi interesante pasobra e kiermen cu e placa cu Parlamento a autoriza aña pasa, lo wordo uza. Pero te Augustus awor ainda no a los  placa pa e plan di crisis social y si yega fin di aña sin a wordo uza, ta perde placa. Pero cu e “begrotingsfonds” e placa ta keda eyden.

El a sigui splica cu su ministerio hunto cu e ministerio di finanzas a traha riba e formula cu mester wordo realiza y ta bay bin un sorto di subsidie overeenkomsten pa e plan social,  cu ta un acuerdo special, particular, pa tur e instancianan pa asina e placa los.

Dialuna e ministerionan aki a firma e carta pa e bay Parlamento, pa aki atende esaki den Comision Central, of na e forma con Parlamento ta sinti su mes comodo pa atende y duna luz pendiente di e formalizacion di e “begrotingsfonds” pa cuminza los e placa pero alavez pa reserva e placa cu a wordo autoriza pa Parlamento pa 2018 y 2019, den e fondo di presupuesto aki.

Esaki lo wordo controla door di tur instancia, pasobra ta bay tin un control debido riba e fondo aki. E mandatario a subraya cu e fondo aki ta keda placa di pueblo. Pero tin instancianan cu bao di capa di control a trata di tranca esaki. Pero ya a bin cu un solucion y tin e conseho di Minister di Finanzas na ken e mandatario a gradici pa e input y sosten na Directie Sociale Zaken y Ministerio di Asunto Social, cu a traha hunto siman pasa pa yega na e caminda di solucion aki.

 

- Advertisement -

DUNA COMENTARIO

Please enter your comment!
Please enter your name here