Home Parlamento Fraccion di MEP cu mocion pa evita ciudadano paga double pa recoge...

Fraccion di MEP cu mocion pa evita ciudadano paga double pa recoge sushi

357
0
SHARE
- Advertisement -

Si bo ta paga pa EcoTech bo no mester paga pa Serlimar…

ORANJESTAD (AAN): Diamars merdia, durante Reunion di Staten unda ta delibera e presupuesto pa Serlimar, dado momento e lider di fraccion di MEP, esta Rocco Tjon, a mustra cu nan kier bin cu un mocion.

E mocion ta, pa defende pueblo y no bay obliga tur hende pa paga double.  E ta referi aki na ciudadanonan cu ta pagando mensualmente pa EcoTech recoge sushi, no tin di wordo obliga pa bay paga Serlimar pa e mesun servicio.

Ta conoci cu Gobierno kier bin cu e tarifa di 25 Florin mensual pa recoge sushi rond Aruba.  Fraccion di MEP ta opina cu nan deseo ta pa Serlimar bira un negoshi saludable, y nan ta kere cu trahadornan no mester wordo perhudica pa decision di Gobierno ni di Staten.  Pesey nan ta kere cu ta importante pa yega na un solucion.

Pesey fraccion ta presenta un mocion unda nan ta urgi Gobierno pa den su maneho pa ehecuta, pa haci posible pa evita cu un ciudadano ta bay paga double pa un servicio di recoge sushi.

Ademas di esey, Tjon a haci pregunta tambe na Ministro Oduber encuanto e betalings regeling cu tin entre EcoGas y Serlimar y cu pa luna ta paga 8.500 Florin pa luna.  Pero si bo check den e presupuesto, tin poni 200.000 Florin.  Riba esey e kier a haya claridad.

Ademas di esaki, Rocco Tjon na nomber di fraccion di MEP kier a sa si Ministro por elabora kico posicion di Gobierno ta, pa e idea pa pospone fecha 1 Januari 2019 pa percura pa e puntonan di preocupacion den pueblo wordo bon splica.

MEP ta comparti opinion cu mester yega solucion duradero, y asina cuminza cu e proceso unda Serlimar por crece y sostene su mes.  Landsbijdrage e ora lo bay baha y refleha su mes den e presupuesto.

- Advertisement -

DUNA COMENTARIO

Please enter your comment!
Please enter your name here