Home Politica Franklin Herts cu reaccion con ningun Gobernante no sa di e carta...

Franklin Herts cu reaccion con ningun Gobernante no sa di e carta di WEB

78
0
SHARE
- Advertisement -

ORANJESTAD (AAN): E ciudadano Franklin Herts, kende ta miembro di Partido AVP, a nota con recien ningun Gobernante tabata parce di sa di e carta di WEB pa pidi aumento di tarifa di awa y coriente.

Su teoria ta cu den Bestuurskantoor, asina e combersacion lo a bay:  “No puntrami, puntra Xiomara…  Ami no tine, puntra Besaril… Ami no sa, puntra Otmar…  Mi no tine, puntra Evelyn…  Ami tampoco no tine, y mi no sa, kizas puntra Utilities…”

Segun Herts, nos tur por a corda e epoca di e famoso coalicion di MEP di Nelson Oduber, PPA di Benny Nisbet, y ADN di Charro Kelly.  Ora cu pueblo haci pregunta na Nelson, e ta bisa cu e no sa, pa puntra Charro, y e lider di ADN ta bisa cu no, pa puntra Benny.. y Benny na su turno ta bisa cu e no sa, pa puntra Nelson, etc.

Prome cu Status Aparte, Aruba a conoce 1 coalicion, y despues di Status Aparte a bin 4 mas pa un total di 5 den nos historia.

Nos por corda entre otro: (1) UNA-PIA-PRO.  (2) AD-PPA-AVP-PDA.  (3) OLA-AVP.  (4) PPA-MEP-ADN.  (5) MEP-POR-RED.

Ningun di e cuatro coalicionnan a dura mas cu 1 aña, y den tur tabatin turbulencia y un rancamento di ciboyo sin fin.  Final di cuenta ta cu tur cuatro a cay for di otro manera patia berde.

Herts ta wardando awor e caida di e di cinco coalicion.  E ta bisa cu Coalicion #5 no ta un excepcion, y pueblo ta en espera di e anuncio door di Evelyn of Otmar.

E anuncio sigur lo no cay manera un sorpresa, pero mas bien como un regalo y alivio di un epoca yena cu sentimentonan di inseguridad, confusion, y intrankilidad.

Herts a finaliza bisando: “Pueblo, ban cuminza prepara pa e cambio bon mereci.”

 

- Advertisement -

DUNA COMENTARIO

Please enter your comment!
Please enter your name here