Home General Fundacion pa Nos Comunidad a organiza evento ‘Connect to Impact’

Fundacion pa Nos Comunidad a organiza evento ‘Connect to Impact’

29
0
SHARE
- Advertisement -

ORANJESTAD (AAN): Director di Fundacion pa Nos Comunidad (FPNC) Aruba, Gianaika van der Biezen a anuncia, hunto cu Miss World Aruba 2018, Nurianne Arias Helder proyecto di empaketa cuminda, pa contribui den lucha contra hamber na Aruba.

E director a splica cu Fundacion pa Nos Comunidad ta un banco di cuminda cu ta apoyando famianan di Aruba cu problemanan financiero desde 2009.

E mision di FPNC ta evita y combate pobreza, angustia emocional y exclusion social y ta promove participacion, cuido di pobreza y  bienestar completo na Aruba. FPNC a apoya cerca di 2750 famia durante nan añanan di servicio. Esaki tabata posible cu apoyo financiero di individuo, patrocinadornan y organizacionnan.

Diasabra dia 29 di September di 2018, FPNC a organiza un evento di empaketa cuminda cu colaboracion di programa di ‘outreach’. E evento “Connect to Impact” lo tuma lugar na Marriott Hotel y obhetivo principal di e evento ta empaketa 50,000 cuminda den un dia di trabao.

E 50,000 cuminda lo sirbi pa apoya cada famia cu FPNC ta yuda. Cada cuminda empaketa lo conta como un cuminda pa hasta cuatro persona den cada hogar. E proyecto di Meal Packaging ta hopi importante pasobra esaki ta contribui den lucha contra hamber na Aruba. E proyecto aki ta apoya obhetivo di FPNC di proporciona cuminda saludable, nutritivo y sostenible pa famianan den necesidad.

E evento a wordo organiza hunto cu Miss World Aruba 2018, Nurianne Arias Helder como parti di su “Proyecto Beyeza cu un Proposito”. Durante e proyecto, plataforma Miss Mundo Aruba lo contribui na obhetivo principal. E evento no solamente a genera fondonan pa e fundacion, sino a yuda pa yega na obhetivo desea.

Durante e evento, nan tambe lo enfoca riba crowd funding y aspectonan pa mehora comunidad. Alcanzando e meta desea, nan por tin un mihor comprension di e problemanan socio-economico di Aruba.

E idea tras di e evento ta cu companianan mester cumpra carchi pa nan empleadonan asisti e evento manera un team. Participando den e evento mientras nan ta haci algo bon pa comunidad lo yuda cada compania mehora nan ‘team building’ di nan personal.

Sra. van der Biezen a urgi companianan pa participa den e proyecto di contribucion pa comunidad di Aruba.

 

- Advertisement -

DUNA COMENTARIO

Please enter your comment!
Please enter your name here