Home Cultura Genio y pionero di steelband Ellie Mannette a fayece

Genio y pionero di steelband Ellie Mannette a fayece

379
0
SHARE
- Advertisement -

Na april 1950 el a bin Aruba cu “Invaders

Informacion cu mi a ricibi for di Trinidad ta indica cu e pionero di steelpan, Elliot “Ellie” Mannette, a fayece  den hospital West Virginia cu 91 aña di edad. E tabata wordo trata pa fayo di nier.

April 1950, el a bin Aruba cu su steelband “Invaders” for di Trinidad  y for di su yegada cu su steelband, Aruba berdaderamente a scucha Steelband” den su forma di steelband cu Aruba tabata conoci pe den decadanan cu a pasa y ainda algun.

“Si mira foto di Aruba All Stars cu e pionero Naldo Brown y” Shushu Baby” Leonard Turner, por mira e instrumentonan cu e tempo ey tabata wordo toca, ainda cu colornan y diseonan di Invaders. E dosnan ey tabata e prome trahadornan di steelpan riba nos isla, for di añanan final di decada 40 di siglo pasa, tempo cu tabata pone e instrumento riba rudia y tene cu man robez y cu man drechi ta dal e notanan cu e palito cu rubber riba dje

E instrumentonan cu Aruba All Stars tin riba e foto di 1951 ta e instrumentonan cu tocadornan di Invaders (di Trinidad) a tira afo despues di pleito cu nan a haya na Aruba y cu algun instrumento a wordo scondi bao di misa y otronan den e conoci “Lumber Yard” di e tempo ey, parti pariba di Village unda restantenan di materialnan di construccion tabata wordo tira.

Riba e foto, e dos muchanan na man robez dilanti, ta Edgar cu e timbal y Paul Connor cu palito ta dal riba e baho di algun nota. Ta algun aña despues e dosnan aki a bira trahadornan di pan, crece bira grandi. Pual cu tabata considera e “Panman di Aruba” a bay Europa mey mey di decada 60 y a wordo lubida di locual e tabata, mientras cu Edgar a crece cu su Aruba Invaders y bira e tocador mas popular cu e banda musical mas popular y sigui te na su morto cu su Aruba Invaders y como trahador di steelpan pa diferente grupo. Nan tabata entre e pioneronan tempo cu Ellie Mannette a bin Aruba cu Invaders.

Ellie Mannette a bira mundialmente famoso y a dedica henter su bida na desaroyo di “steelpan”. Su meta mas grandi tabata di crea y laga un herencia atras pa su studiantenan sigui y continua cu su trabao.

Su trabao musical den desaroyo di steelpan y musica di steelpan ultimo 75 aña a mishi cu bida si hopi hende na mundo. “Mannette instruments’ cu ta mas bien un museo y negoshi familiar lo sigui den su memoria y sigui cu su trabao, segun e informe ricibi.

Michael Din Chiong, manager di Shell Invaders, e banda cu Mannette a funda a laga sa cu mundo a perde un gran maestro y genio musical.

“Dia cu nos a celebra nos di 75 aña di existencia na 2015 e no por tabata cu nos, y nos a dicidi e ora ey pa bay cerca dje na West Birginia na Merca, na 2016 y a dune un presentacion pa su contribucion na formacion di e orquesta aki y su continuo inovasionnan di e “steelpan”.Sin duda e ta e contribuyente mas grandi di existencia di e orquesta aki. Nos a dicidi di dedica nos “Republic Day J’Ouvert” na su honor.

E pianista maestro , amigo personal di Ellie mannette, entonador (“tuner”) di steelpan Emanuel “Cobo Jack” Riley a bisa for di New York cu “Ellie tabata e mihor ‘capitan di steelband’ y ‘trahador di steelpan’ na mundo.E tabata responsabel pa progreso di steelband. E tabata e homber cu a inventa  tur cos. Mi tabata den Invaders Panyard trahando cune tempo el a descubri octaafnan y quintonan den musica di steelpan.

E tabata un persona cu por ensaya musica popular oranan largo den loke ta conoci como “panyard” y bolbe cas despues y scucha musica clasica.”

Na Trinidad ta conoci e TASPO ( Trinidad All-Steel Percussion Orchestra) y Ellie Mannette tabata un di e fundadornan di esaki y a keda awor dos di nan so, Sterling Betancourt y Tony Williams.

Ace pannist and arranger Ken “Professor” Philmore said: “Ellie Mannette”,segun e pianista astro, maestro y profesor Ken “Professor” Phlmore “tabata un embahador di berdad y di berdad di Trinidad. “Mi tabata tin oportunidad di contribui den algun workshop cune  y cu Andy Narrell, na West Virginia.  E tabata un gran inventor y mi ta conoci pa toca e “pan tenor” di tercero y esaki a wordo inventa pa Ellie. Ta dos hende ta toca e pan aki Narrell y ami. Nos a perde un pionero grandi.

Te dos siman pasa Von Martin, CEO y fundador di Caribbeana Communications Inc, Washington, DC, tabata di bishita cerca Ellie Mannette  cu a keda masha contento cu e bishita ya cu tabata trata di e persona cu a skirbi e buki cu a bira masha popular den mundo di steelband, “Voices of Pan Pioneers of Trinidad & Tobago” . Von Martin a hiba West Virginia tambe e steelband di mucha homber y mucha muher “Pan Lara” pa cera conoci cu e icono na Morgantown, East Virginia. Ellie Manette e dia ey hasta a toca acompañando e hobennan den nan cancionnan toca.

Segun informenan, diasabra lo tin un tributo di 3 ora largo di musica di steelpan na honor di Ellie Mannette, pa honra e icono global na Trinidad.

                                     Juby Naar

- Advertisement -

DUNA COMENTARIO

Please enter your comment!
Please enter your name here