Home Salud GKMB lo por substitui e formularionan pa un sistema digital ora di...

GKMB lo por substitui e formularionan pa un sistema digital ora di hiba control

7
0
SHARE
?
- Advertisement -
?

ORANJESTAD (AAN): Luis Chung, director interino na GKMB, ta splica riba un curso cu nan a haya pa desaroya nan sistema di traha den loke ta combatimento di sangura.

Segun Chung, GKMB a haya bishita di un representante di CARPHA, kende a bin duna e miembronan di GKMB un “refreshment course” y tambe sondea kico tur nan por haci caba na Aruba y den kico e por yuda nan.

Primeramente el a bin duna un “refreshment course” na un parti di e ekipo di GKMB y intercambia ideanan cu e representante aki pa keda up-to-date cu e trabao, y comunica cun’e cierto preocupacionnan cu GKMB tin cu CARPHA por yudanan cun’e.

E preocupacionnan cu GKMB tin ta cu no tin suficiente vigilancia pa sa ki tipo di sangura tin na Aruba y si tin cierto sanguranan cu ta resistente contra cierto productonan.

CARPHA ta dispuesto pa coopera y duna sabiduria na GKMB. GKMB lo ta den contacto cu nan pa cualkier pregunta of duda cu nan por tin. Por ehempel nan ta bezig pa bay set-up un sistema pa atrapa sangura.

Nan ta bay pasa ful rond di Aruba y atrapa sanguranan den e barionan pa por haci un sondeo di ki tipo di sangura tin den barionan.

Segun, sr. Chung, e representante ta aproba cu e trabaonan cu GKMB ta haciendo di controla e casnan, registra e casnan, unda nan ta haya problema y ki tipo di problema.

Loke el a bin cun’e dilanti ta un sistema electronico cu por substitui formularionan. Cada personal por sali cu un tablet of un telefon, registra tur e trabaonan cu nan ta haci diariamente.

Esaki digitalmente ta bay mas facil pa nan por tin e informacion ora e drenta. Esaki ta un idea cu ta den un fase hopi trempan ainda y GKMB ta entusiasma pa wak con esaki lo desaroya.

- Advertisement -

DUNA COMENTARIO

Please enter your comment!
Please enter your name here