Home Gobierno Gobierno a yega na un acuerdo cu Advies Bureau R.O di Hulanda...

Gobierno a yega na un acuerdo cu Advies Bureau R.O di Hulanda pa revision di ROP

211
0
SHARE
- Advertisement -

Minister Otmar Oduber a splica:

ORANJESTAD (AAN) – Minister Otmar Oduber, titular di Infrastructura y Medio Ambiente, den ronda di pregunta di conferencia di prensa di Dialuna, a elabora tocante e revision cu ta tumando lugar na e momentonan aki, riba e ley di R.O.P (Ordenamento teritorial).

E mandatario a expresa cu ta berdad cu gobierno a yega na un acuerdo cu Advies Bureau R.O di Hulanda, hunto cu DNM y DOW cu ta cay bao di su ministerio.

Nan a tene reunionnan caba cu e stakeholders den comunidad, tanto NGO’s como departamentonan di gobierno, den un prome ronda unda cu a splica e proceso cu ta andando y cu den e proximo prome lunanan intencion ta pa prome cu Januari tin, sea un revision of un ley nobo di ROP.

Esaki ta un maneho nobo unda ta bay extende e ROP existente, segun ley, pa cinco aña of bin cu un ley nobo pa un periodo desea sea diez aña of mas.

E dignatario a informa cu na September proximo ta bay tin un di dos bishita y si tin gruponan cu kier wordo scucha adicionalmente, y esnan cu ya caba tabata tin encuentro por ta presente. Nan no a reuni ainda cu tur stakeholders pero e intencion ta di por reuni cu nan tur, entre otro cu Camara di Comercio.

Den e proceso di Watty Vos Boulevard y otro proyectonan cu tabata tin e ultimo añanan, mester delinea cual ta e areanan cu ta bay concentra aspecto di vivienda, industrial of comercial. Den tur esaki gobierno ta dunando participacion na KvK, ATIA, y otronan envolvi.

Tambe pa percura den cuadro di ROPV, cu ta e siguiente paso, a papia cu Bureau R.O pa un bez cu ROP ta revisa y dicidi di extende of bin cu un maneho nobo (ley) pa cu su existencia, den e prome cuartal di otro aña cuminza di biaha cu e proceso pa loke ta trata ROPV cu tambe ta wordo calcula cu lo dura seis pa siete luna pa ta cla. Esaki kiermen cu pa September 2019 ROPV ta cla y lo wordo ehecuta.

- Advertisement -

DUNA COMENTARIO

Please enter your comment!
Please enter your name here