Home Gobierno Gobierno bisando cu na September lo cuminsa fase dos di refineria Citgo

Gobierno bisando cu na September lo cuminsa fase dos di refineria Citgo

110
0
SHARE
- Advertisement -

Pero hopi observador ta duda den esey…

ORANJESTAD(AAN): Despues di un reunion cu ehecutivonan di Citgo Aruba hunto cu Ministernan di Gabinete Wever-Croes, a sali afo cu e proyecto ta keto bay den ehecucion y cu dia 1 di september 2018 lo inicia fase dos.

Esey ta un fase di inspeccion den cual lo controla y revisa delaster un ekipo den e refineria. Lo emplea entre 150 pa 170 trahado adicional, mayoria local, pa ehecuta e proyecto aki cu ta encera un inyeccion di 35 miyon Florin.

E fondonan ey no a bin di Merca sino di Venezuela mes. E ehecutivonan di Citgo Aruba, Marquez y Oduber, a sigura Gobierno cu e plan ta pa despues di 8 pa 10 luna nan inicia mesora cu e fase 3 cu lo ta e rehabilitacion completo di e refineria.

Pa e ora ey si mester a bin financiamento stranhero, cu nan ta hopi optimista cu lo bin.

Sinembargo DIARIO a bin ricibi reaccion for di den mundo comercial local.  Nan tin hopi duda den e capacidad di Citgo pa cuminza back cu e refineria na San Nicolas.

Esaki ta e pensamento di hopi hende, pasobra nan no tin ningun indicacion cu tin “movimento” den e instalacion di e refineria na San Nicolas.  Djis pasobra riba e tereno no tin hende, no tin trahador, tin nada.  Tur cos ta status quo na San Nicolas.

Y mientras tanto, tur hende bulando pipa, y tin ningun indicacion cu e ta moviendo den bon direccion.  Ta djis bo tin puro hende cana rond y papia cos cu no ta cuadra cu realidad.

Hecho ta, cu tanten e compania no mustra placa, bo no tin indicacion concreto cu e rehabilitacion di e refineria ta riba schedule.  Pa colmo awor cu a sali na cla cu companianan na Merca por pone beslag riba Citgo.

 

- Advertisement -

DUNA COMENTARIO

Please enter your comment!
Please enter your name here