Home Gobierno Gobierno kier introduci un sistema electronico pa publicacion di leynan

Gobierno kier introduci un sistema electronico pa publicacion di leynan

11
0
SHARE
- Advertisement -

ORANJESTAD (AAN) — Dentro di e tema di innovacion cu Gabinete Wever-Croes kier fomenta, den marco di Ministerio di Husticia tin un proyecto pa publicacion di leynan di manera electronico.

Asina Minister di Husticia, mr. Andin Bikker a indica, den conferencia di prensa di gobierno, dialuna cu a pasa.

Esaki ta un sistema cu ya caba nos Islanan ruman Curacao y Sint Maarten a bay Aruba su dilanti, e dignatario a expresa. Aworaki, gobierno a bisa cu Aruba tambe kier bin cu e sistema aki.

E ta bay ta mas facil pa pueblo haya acceso na nos leynan, ademas di e Registro di Testamento. Ademas e ta bay baha gastonan di pueblo mes.

Esaki den sentido cu ora un Notario pasa un Acta of un Testamento, den e caso aki mester bay ofrece e documento aki fisicamente na e registro na Curacao, y esaki ta costa hopi esfuerzo, fondo y energia.

Cu e sistema electronico ta simplemente scan’e y e persona por mande na e registro via e-mail mes y electronicamente e ta wordo warda. Tur esaki ta bay haci e gastonan baha. E dignatario a reitera cu asina ora e familiar di un ciudadano na Aruba a fayece, cu e sistema electronico aki rapidamente e ta haya sa si el a laga un testamento y e ora ey por bay na reparticion di bienes mas lihe, loke actualmente ta tarda hopi aña.

- Advertisement -

DUNA COMENTARIO

Please enter your comment!
Please enter your name here