Home Enseñanza Gobierno satisfecho cu exito di Summer Camp Kids4Bytes na San Nicolas

Gobierno satisfecho cu exito di Summer Camp Kids4Bytes na San Nicolas

19
0
SHARE
- Advertisement -

ORANJESTAD (AAN): Siman pasa, e ekipo di innovacion di Gobierno di Aruba, Futura, a entrene mas di 60 mucha den e ‘Summer Camp KIDS4BYTES’ na Colegio Arubano na San Nicolas.

KIDS4BYTES ta un programa pa muchanan entre 7 pa 13 aña. Durante e siman aki di vakantie, nos muchanan a siña e principionan di code y programa nan mesun wega, con pa comunica, traha den ekipo, stimula nan pensamento creativo y habilidad di soluciona problema por medio di coding. Tanto e muchanan cu a participa como nan mayornan a expresa con contento y satisfecho nan a keda cu e iniciativa di Gobierno di Aruba pa realisa un proyecto asina aki pa nan.

Prome Minister Evelyn Wever-Croes a expresa: “Pasobra nos no kier papia so di Innovacion. Nos kier innova di berdad, cuminsando cu nos muchanan. Pasobra nan ta nos futuro. Finalmente nos a aporta na alegria y felicidad di 60 mucha den nan vakantie.
Nos ta poniendo e fundeshi pa un miho Aruba!”.

Riba e ultimo dia di e ‘summer camp’, Prome Minister a entrega certificado di participacion na cada mucha.

Gobierno di Aruba ta gradici henter e ekipo Futura pa realisa e bunita proyecto aki. Un danki special na Marilis Backer pa e pasenshi y dedicacion pa siña nos muchanan.

 

- Advertisement -

DUNA COMENTARIO

Please enter your comment!
Please enter your name here