Home Gobierno Gobierno ta convenci cu nan a tene criminalidad bao control

Gobierno ta convenci cu nan a tene criminalidad bao control

17
0
SHARE
- Advertisement -

ORANJESTAD (AAN): Den e ultimo simannan por a mira cu atraco un biaha mas a lanta cabes. Aunke tin hende cu a wordo gara den un di e casonan. Ta sperando un aanpak mas fuerte. Aunke minister ta anuncia, e cosnan aki toch den cabes di e atracador aparentemente nan ta sigui cu e fechorianan.

E ora ta con gobierno, cu tin un plan por frena e situacion aki, mientras cu e hendenan aki ta afo of nan a sali bek, ta bolbe tira atraco y ta bolbe cay cera.

Minister Andin Bikker a splica cu e plan ta integral. Aunke tin cu bisa, criminalidad a bolbe lanta cabes. Tabata tin basta siman cu e tabata bao di control.

E mandatario a splica cu a tuma nota di un bishitante a wordo atraca, unda cu su tas a wordo ranca.

Eynan por ehempel a dicidi pa trece mas visibilidad y tambe luz, pasobra eynan ta poco scur. Los di esey a aumenta e visibilidad mas ainda, pero esey ta draai’e un paar di siman. Structural ta haya hopi overtime, pa por stabilisa e situacion.

E minister a comenta cu den su percepcion y conviccion di e situacion cu Venezuela ta pasando aden, cu ta haya cu hopi persona ta bin Aruba, e cos eynan ta pone cu nos mester tambe vigila mas bien e fluho di personanan cu ta drentando.

A base di esey a haya conseho finalmente di KPA cu ta bay over pa haya disponibilidad di un radar.

Diabierna nan a keda cla cu bay over na e destaho publico pa e helicopter. E visibilidad di helicopter, ora cu e ta bula riba e areanan pa surveilleer, tambe ta duna un sentido y ta pone cu personanan cu tin menos bon intencion, no pens’e dos of tres biaha prome cu nan hinca den nan cabes pa haci algo.

Los di esey tambe, e personanan cu ta hinca den nan cabes pa haci e cos aki, manera cu a tuma luga, e porcentahe di solucion pa loke ta Cuerpo Policial ta hopi halto. Tin un indice di casi 90% di casonan cu si nan tuma luga mes, lamentablemente ora cu e tuma luga, si nan tuma luga, cu e sospechosonan ta wordo gara. Esey por ehempel a tuma luga rapidamente na e suceso cu a tuma luga.

Minister Bikker a splica cu den apenas seis luna, e cantidad di hende a wordo deporta ta mas halto compara cu e aña anterior. Esey ta prome cu dia 1 di Juli, cu a dicidi di duna cuerpo policial autoridad pa nan por bay controla e leynan di LTU. Awor aki, cu cuerpo policial tambe a haya e autoridad aki, ta bay wak cu mas y mas persona cu no tin nan status na ordo, ta bay wordo detecta, no obstante cu ya caba den seis luna, a surpasa e ultimo ocho lunanan di aña pasa.

Esey ta pone cu bo por pensa, e hecho ta cu ora cu bo ta haya un fluho asina grandi di persona. Ya caba ora un persona a opta pa drenta, no como turista, via canalnan ilegal, por asumi cu e tin menos bon intencion. Ora e ta aki probablemente, y tin di nan a resulta lamentablemente, nan ta viola nos leynan di admision y Expulsion, pero tambe tin di nan ta bay abiertamente comete cosnan cu no ta permisibel bao di nos leynan penal. Ta un maneho integral.

 

- Advertisement -

DUNA COMENTARIO

Please enter your comment!
Please enter your name here