Home Gobierno Gobierno ta duna 220 Florin adicional pa yuda mucha bay scol

Gobierno ta duna 220 Florin adicional pa yuda mucha bay scol

76
0
SHARE
- Advertisement -

ORANJESTAD (AAN): Muchanan cu ta cay bao di asistencia social, ta haya un yudanza extra di Gobierno.  Esey ta loke DIARIO a compronde.

Gobierno ta traha na beneficio di pueblo, y lucha pa un mihor porvenir.  Esaki ta hustamente locual Minister Glenbert Croes a bin ta haciendo desde su encargo 17 di november 2017.

Ta cu hopi satisfaccion cu Dialuna e mandatario ta anuncia su aprobacion pa beneficionan adicional pa muchanan cu ta bay school di mayornan cu ta ricibi asistencia social.

Ta Gobierno di Aruba su vision pa enseñansa y educacion keda accesibel pa tur mucha. Y den cuadro di esaki Minister Glenbert a aproba e suma di Afl 220 adicional pa mucha te na un maximo di Afl 800 pa famia. E suma aki ta pa yuda cubri gastonan manera articulonan pa school, uniform etc.

Pero pa percura pa ningun mucha keda atras, e mandatario a aproba ademas di e suma ya menciona, un suma adicional di Afl 120 cu lo worde paga directamente n’e schoolnan despues cu e mayor(nan) entrega tur e documentonan necesario.

Gobierno di Aruba su vision y mision ta eleva calidad di bida di nos hendenan den tur sector di nos comunidad pero cu un enfoke special den brinda nos muchanan e oportunidad pa nan nunca keda atras di loke ta nan derecho fundamental y universal di haya e oportunidad di enseñanza.

- Advertisement -

DUNA COMENTARIO

Please enter your comment!
Please enter your name here