Home Gobierno Gobierno trahando riba un plan integral pa atende cu edificionan di Gobierno...

Gobierno trahando riba un plan integral pa atende cu edificionan di Gobierno bandona

124
0
SHARE
- Advertisement -

Calculacion lo worde haci pa pone ex-Centro Dakota den funcion bek

ORANJESTAD (AAN): Minister di Desaroyo Teritorial, Infrastructura y Medio Ambiente Otmar Oduber ta informa cu ya caba pa algun siman ta bezig cu henter un team den un ‘vierhoeksoverleg’ cu tin cu DOW, DIP y Cadaster pa trata e tema di edificionan di Gobierno cu no ta den uzo of cu ta bandona pa hopi aña.

Di e 19 edificionan aki cu tin rond Aruba, ex-Centro Dakota ta un dia nan, pa cual ta hincando un plan integral  pa e edificionan aki cu lamentablemente ta encera placa/ inversion di Gobierno cu ta para y no ta worde uza. Minister di Husticia a haci peticion pa mira kico e posibilidad ta pa por haci uzo di e centro akimirando cu tin cierto di e celnan cu ta den bon condicion ainda.

Conhuntamente cu director di DOW, DIP, personal di CEA, Warda nos Costa y Minister di Hustica Andin Bikker, nos a bay wak e edificio. Caminda cu definitivamente ta wak e posibilidad den cuadro di e trabao cu Minister di Husticia ta haciendo actualmente pa percura pa control riba ilegalidad. Banda di e edificio cu nan ta uzando actualmente pa control di ilegalidad y considerando e cantidad di ilegalnan cu ta garando, lo kier mas espacio pa por atende cu esnan cu ta ilegal riba nos Pais.

A yega na e conclusion cu e departamentonan concerni cu ta bay haci calculacion di e costonan pa haci cierto parti di e edificio disponibel atrobe. Banda e uzo pa warda personanan ilegal, a pensa riba espacio cu por worde uza pa wanta cachonan cu tin doño pero cu no ta cumpliendo cu ley di cacho. E edificio tin un parti cu ta den mihor condicion cu e otro pa cual e parti menos bon lo por worde uza pa City Inspector warda e animalnan mientras cu nan doño busca nan back y nan atende cu nan responsabilidad. Proximamente calculacion lo worde haci di inversionnan necesario pa haci e luga adecua, Minister Oduber a termina bisando.

 

- Advertisement -

DUNA COMENTARIO

Please enter your comment!
Please enter your name here