Home Gobierno Gobierno y Grupo Odinsa a yega na un solucion pa loke ta...

Gobierno y Grupo Odinsa a yega na un solucion pa loke ta mantencion di Green Corridor

361
0
SHARE
- Advertisement -

Proyecto mester wordo manteni durante 18 aña segun contract

ORANJESTAD   (AAN):  Manera ta conoci, na cuminsamento di e aña aki Parlamento di Aruba a duna Minister di Infrastructura e apoderacion pa hiba deliberacion necesario y yega na un solucion cu Grupo Odinsa i CIC N.V. pa asina termina e fase di construccion di e proyecto Green Corridor.

Despues di algun luna di negociacion entre e team di PPP Unit di DOW y Grupo Odinsa/CIC, diabierna atardi a yega e parti di firmamento di e ultimo documentonan pa asina oficialmente cera e fase aki.

Dialuna, 23 di juli, a entrega e asina ama “Availability Certificate” na CIC. Cu esaki CIC a cumpli cu e “Independent Certifier” pa locual ta e rekisitonan di e DBFM Contract y Gobierno di Aruba lo cuminsa paga e contratista cada kwartaal.

Na 2015 e DBFM Contract a wordo firma pa un total di 18 aña di mantencion. Awo cu e “Availability Certificate” a wordo otorga na CIC, CIC lo tin e responsabilidad pa sigui mantene e proyecto Green Corridor pa e 18 añanan cu ta sigui. E proyecto mester keda wordo manteni segun e rekisitonan di e contract.

 

- Advertisement -

DUNA COMENTARIO

Please enter your comment!
Please enter your name here