ORANJESTAD (AAN) — Diasabra anochi na Centro Di Bario Brazil Aruba; Den un ambiente masha cultural, unico y innolvidabel; a tuma lugar e grandioso anochi di
Eleccion y Coronacion di Reinanan Folklore y Cultural, Categoria: Damita, Dama, Gran Dama, Dama Grandi y Pilar Cultural 2018, organisa pa Comision Reina y Parada Folklore, Cultural 2018.
E resultado di e anochi aki a keda di e siguiente manera:
Resultado Final:
Damita Elegancia, Damita Fotogenico y Damita Folklore 2018 a keda den persona di: Thaisha Jansen, representando su grupo di baile: “Dazzling Dancing Divas”.
Damita Trahe Tradicional y Damita Cultural 2018 a keda den persona di: Cyanne Almary, representando su grupo di baile: “Gucci Dancers”.
Dama Trahe Tradicional y Dama Folklore 2018 a keda den persona di Eshlaine Panneflek, representando su grupo di baile: “Gucci Dancers”.
Dama Elegancia, Dama Fotogenico y Dama Cultural 2018 a keda den persona di: Shariënne Hoevertsz, representando su grupo di baile: “Chaz Dancers”.
Dama Carismatica 2018 a keda den persona di: Rcihinella Henriquez, representando su grupo di baile: “Dazzling Dancing Divas”.
Gran Dama Elegancia y Gran Dama Folklore 2018: Judith Werleman, representando su grupo di baile: “Fundacion Rosea Cultural”.
Gran Dama Trahe Tradicional, Gran Dama Fotogenico y Gran Dama Cultural 2018 a keda den persona di: Nyohmi van der Biezen, representando: “Fundacion Museo Arubano”. Acompaña pa e grupo di baile: “The Popcorn Dancer’s”.
Dama Grandi Trahe Tradicional, Dama Grandi Fotogenico y Dama Grandi Folklore 2018 a keda den persona di: Carine Maduro, representando su grupo di baile: “Gucci Dancers”.
Dama Grandi Elegancia, Dama Grandi Folklore 2018 a keda den persona di: Marcia Dirks, representando su grupo di baile: “Fundacion Rosea Cultural”.
Y nos Pila Cultural 2018 a keda den persona di: Sra. Anna Growell.
Comision Reina y Parada Folklore, Cultural 2018 ta gradici y felicita cada un di e candidatanan participante pa logra haci di e anochi di edicion 2018 uno grandi, exitoso y innolvidabel.
Danki di curason na tur cu a sostene grandemente pa esaki por a termina exitosamente. Danki pa engrandece y sostene nos folklore, cultura y tradicion.
Cada un di e participantenan ta e perla cu ta dorna e corona di nos cultura y folklore bunita bisti riba su cabes.
