Home Enseñanza Grupo di 175 studiante lo ta viahando pa Hulanda Diasabra awor

Grupo di 175 studiante lo ta viahando pa Hulanda Diasabra awor

154
0
SHARE
- Advertisement -

Aeropuerto preparando pa un dia basta druk

ORANJESTAD  (AAN):  Diasabra awor, e grupo di studiantenan lo biaha di Aruba rumbo pa Hulanda pa continua cu nan estudionan.

Hendrick Croes, Vocero di Aeropuerto Reina Beatrix a splica cu e grupo aki ta consisti di 175 studiante cu e aña aki lo sali den un solo vuelo.

Den e ultimo añanan tabatin dos fecha separa p’e studiantenan, pues esey tabata dos vuelo. E studiantenan lo viaha cu vuelo di KLM cu ta sali 5:45 pm di Aruba rumbo pa Amsterdam.

E studiantenan tin e oportunidad pa pasa check-in nan maletanan pa 2:00 pm y haci e proceso di Happy Flow y imigracion.

Loke ta hopi importante ta pa e studiantenan percura cu nan passport ta valido pa sina evita contratiempo innecesario den e ultimo momentonan di stress.

Tambe ta importante pa e mayornan sa cu no por para auto dilanti di Aeropuerto. E forma corecto ta pa parkeer den parkinglot, pues e dia aki ta bay tin un fluho hopi grandi di personanan y ta bay tin control stricto riba esaki.

Ora e studiantenan pasa paden, lo bay tin un ceremonia chikito unda cu Prome Minister Evelyn Wever-Croes y Minister di Enseñansa lo dirigi algun palabra na e studiantenan.

Por ultimo, Croes ta pidi tur persona cu ta viahando diasabra, no solamente e studiantenan, pa tene cuenta cu e dia aki lo ta extra ocupa door di e studiantenan cu ta bay viaha.

 

- Advertisement -

DUNA COMENTARIO

Please enter your comment!
Please enter your name here