Home Enseñanza Grupo grandi di Docente na Colegio Arubano ta habri aña escolar malcontento

Grupo grandi di Docente na Colegio Arubano ta habri aña escolar malcontento

170
0
SHARE
- Advertisement -

ORANJESTAD(AAN): Un grupo grandi di docentenan na Colegio Arubano, lo start nan aña escolar 2018-2019 cu mal pia. Esaki despues cu directiva di school, cu sosten di e directiva di SMOA, a dicidi pa nombra un Conrector sin pasa e procedura regular y transparente, segun informenan ricibi.

Manera ta conoci, un Conrector existente a promove y bira Rector, pa cual a haci un solicitud habri pa reemplas’e.

A scoge un docente pa bira Conrector. Pero, asina vakantie e cuminsa a bira conoci cu un otro Conrector a tuma su retiro pa bay bira Director di SKOA, cu a habri un otro luga. Docentenan a pensa cu e procedura normal lo habri atrobe debi cu e docente lo cuminsa traha na SKOA te dia 1 di november 2018.

Pa nan sorpresa nan a compronde cu entretanto a opta pa, den ausencia di e Rector nobo, pa core nombra un otro docente den e funcion di Conrector, sin pasa e procedura habri y transparente di reclutacion.

Algun docente a hasta manda carta pa e Rector nobo y pa SMOA, pa informa cu nan ta malcontento cu e forma aki di procede, sin cu nan tin nada contra di e docente en cuestion, pero si cu e forma con directiva di school ta atende cu su docentenan.

Awe diaranson lo tin un reunion entre docentenan di Colegio Arubano y directiva di school pa cual e punto aki ta halto riba nan lista di prioridad. Algun a indica cu si no Sali cu un decision satisfactorio, lo dicidi despues di e reunion mes kico lo ta nan siguiente pasonan.

 

- Advertisement -

DUNA COMENTARIO

Please enter your comment!
Please enter your name here