Home Cultura Gruponan tipico uni nan prome actividad tabata exitoso

Gruponan tipico uni nan prome actividad tabata exitoso

20
0
SHARE
- Advertisement -

ORANJESTAD (AAN): Cultura di Aruba semper a wordo identifica pa su musica y su folklor, y esaki ta algo cu nos no por laga muri sin mas. Esaki ta netamente e pensamento cu a pone 11 grupo tipico uni y forma un comision pa promove y mantene nos musica tipico bibo.

Mirando cu 12 di Augustus ta e dia cu Centro di Bario Brasil ta celebra inicio di nan luna cultural, no tabata tin nada mas mihor pa lansa e prome actividad di e comision Union di Tipico nan Rubiano (UnTiRu) riba e fecha ey conhuntamente cu Centro di Bario Brasil.

Un atardi sigur hopi ameno cu a wordo anima pa Sodo y Cuero, Tradishon Musical, Tipico Pegasaya, Inspiracion, Tipico Palisia, Tipico Rooi Master, DAM, Stimami y por ultimo Tipico Lucero del Alma a sera e anochi.

Un tremendo trabao a wordo desplega door di e maestronan di ceremonia Percy Jeandor como un veterano den e ramo aki y Joshua Maduro un hoben cu hopi talento y amor pa nos cultura mientras Patrick Geerman tabata encarga cu e coordinacion di e escenario y agrupacionnan.

Sigur esaki ta e fundeshi pa loke lo bay bira un proyecto hopi bunita pa tene nos musica tipico bibo. Ya e preparacionnan a cuminsa pa e siguiente evento y ta e intencion pa tur luna hiba e festival den un otro bario.

E siguiente evento lo ta dia 30 di September den Centro di Bario Savaneta unda ya por bisa cu lo tin mas di 10 agrupacion tipico animando e anochi. Pues di e forma aki nos mesun musiconan ta sigui traha hunto pa asina mantene nos musica y nos cultura bibo

 

- Advertisement -

DUNA COMENTARIO

Please enter your comment!
Please enter your name here