Home General Habitantenan di Ponton nada contento cu e puiro corra basha riba klinkers

Habitantenan di Ponton nada contento cu e puiro corra basha riba klinkers

240
0
SHARE
- Advertisement -

ORANJESTAD (AAN): Recientemente Ministro Andin Bikker a mustra cu na Aruba, e ley di Hinderverordening ta hasta proteha ciudadanonan cu ta haya molester na nan cas, debi na construccion di caretera di forma cu nan cas ta keda tur na stof, na santo, etc.

DIARIO a bin haya sa e siman aki, cu habitantenan di Ponton ta basta disgusta cu loke ta worde usa pa traha e aceranan nobo. Ta asina cu despues cu DIARIO a publica e disgusto di e habitantenan di Ponton, encuanto e trabaonan di acera cu a keda stanca, mesora su dia siguiente e trabaonan a tuma rumbo nobo.

Pero lamentablemente cu atrobe tin disgusto di parti di e habitantenan, e biaha aki no pasobra e trabao nan no a sigui, sino cu e compania cu ta eherciendo e trabaonan, ta usando un puiro color corra pa asina basha ariba e concrete y asina dune un color manera klinkers.

E puiro aki ta bay den aire y ta perhudicando e habitantenan, ta haci hopi sushedad na nan propiedad nan y esey ta sin laga afo cuanto daño ta worde haci na e cura nan di e casnan ariba e ruta di construccion.

Un habitante a bisa cu te hasta e trahadornan a purba kita e sushedad cu nan a pega contra e murayanan di e curanan cu awa y basora, pero esaki no a yuda. Tin negoshi cu mester a cera nan porta y bentana, ya cu e puiro di e tiña cu ta worde usa, tabata penetra den nan negoshi, haciendo hopi daño.

- Advertisement -

DUNA COMENTARIO

Please enter your comment!
Please enter your name here