Home Social Haya cifranan real relaciona cu trafico di hende na Aruba ta e...

Haya cifranan real relaciona cu trafico di hende na Aruba ta e reto di mas grandi

216
0
SHARE
- Advertisement -

Social Entrepreneur Paula Nahr:

ORANJESTAD  (AAN): E fundadora di Switch Foundation, Paula Nahr a duna di conoce cu  haya cifranan relaciona cu trafico di hende na Aruba, lamentablemente esey ta e reto mas grandi. E cifranan ta alarmantemente abou pasobra e ta dificil pa detecta y pesey e unico manera pa detecta ta dunando training na tur departamento manera esnan cu ta traha na aeropuerto, den Horeca y instancianan cu ta deal cu stranheronan pa nan mes por habri e wowonan y naturalmente comunidad.

Tin diferente motibo dicon e victimanan no ta reporta y un di nan ta menaza, intimidacion, berguensa, falta di confianza den autoridadnan door cu si nan ta bin di otro paisnan autoridadnan ta conoci pa ta corupto.

E traficante ta sigui alimenta e idea ey den e victima y miedo pa nan famia wordo lastima.

Pa tin un idea con alarmante e reportnan ta, di un calculacion di casi 25 miyon victima trapa den esclavitud moderno rond di mundo solamente tabata tin 14,894 procesamento y 9,071 condena globalmente na 2016. Esaki segun e report 2017 di e Departamento di Trafico di Personanan (TIP).

 

CIFRANAN:

 

E trafico di hende na Latinoamerica y Caribe ta un problematica cu ta creciendo. E 3 formanan di traficacion di hende ta:

  1. Explotacion sexual di hende muhe, mucha homber y mucha muhe.
  2. Explotacion laboral ora un persona ta wordo forsa pa traha contra su voluntad.
  3. Explotacion di un persona pa saca y bende su organonan.

Segun United Nation Office on Drugs and Crime (UNODC), e proporcion di victimanan trafica pa trabaonan forza, ademas di e industria sexual-comercial na Latinoamerica (44%) ta mayor cu Europa y Asia Central.

E dos paisnan di Latinoamerica y Caribe cu mayor porcentahe di personanan someti na e “sclavitud moderno”, ta Haiti y Republica Dominicana.

 

ALGUN ESTADISTICA DI TRAFICO HUMANO NA ARUBA     Pa loke ta trata Aruba, segun The Counter Trafficking Coordination Centre (CTCC),  tin datonan registra entre 2009 y 2016. – 2009: a reporta 2 caso y dos investigacion preliminar. – 2010: no tin report, un investigacion criminal (Fox Lady), cual ta e prome sentencia den Reino Hulandes (Caribe).- 2011: cinco report, dos investigacion preliminar- 2012: dos report, dos investigacion preliminar- 2013: cinco report, dos investigacion preliminar- 2014: tres report, 2 investigacion preliminar- 2015: cinco report, tres investigacion preliminar- 2016: cuatro report, dos investigacion preliminar, 2 investigacion criminal (restaurant hindu, escort service).  Mester agrega cu tur e cifranan aki ta bin dilanti door di e investigacion cu Nahr a realiza cu sosten di Jeannette Richardson y Max Wernet di Counter Trafficking Task Force Aruba.

PRODUCCION DEN FASE FINAL

Promesa Falso, e film-documentario local tocante y pa preveni Trafico di Hende a inicia na 2015 cu un proceso di  investigacion. A cuminsa poco poco y na 2017 e produccion mes a cuminsa gradualmente te cu awor nan ta den e detayenan final pa anuncia e gran premiere, Nahr a indica.

” Den Promesa Falso lo mustra e “red flags” pa tene na cuenta cune y cu un pareha mes por uza pa forza bo pa haci algo en contra di bo boluntad”, Nahr a duna di conoce.

Keda pendiente pasobra pronto e documentario aki lo ta disponible pa henter comunidad, na nivel locual como internacional, cu datonan actual y yamadonan di alerta pa identifica victima y posible traficantenan.

Esnan cu kier keda haya informacion tocante Switch Foundation por bishita nan Facebook Page: Switch Foundation of nan Youtube Channel: Switch Foundation.

 

 

- Advertisement -

DUNA COMENTARIO

Please enter your comment!
Please enter your name here