Home Salud Heart-Centered Leadership Foundation ta celebra 10 aña di existencia

Heart-Centered Leadership Foundation ta celebra 10 aña di existencia

5
0
SHARE
- Advertisement -

ORANJESTAD (AAN): Heart-Centered Leadership Foundation a celebra den luna di juli su di 10 aña di existencia. Heart-Centered Leadership Foundation a worde funda cu hobennan na curason.

Durante e ultimo decada, Heart-Centered Leadership Foundation a enfoca riba promove liderazgo personal di hobennan por medio di training, seminario, y programanan. E filosofia di Heart-Centered Leadership Foundation ta pa traha di ‘paden bay pafo’ door di fortalece y fomenta e caracter di hobennan, inspirando y motivando hobennan pa traha riba nan desaroyo personal pa nan por realisa nan potencial completo. E fundacion ta boga pa fomenta ‘heart-centered leaders’ – lidernan cu ta guia door di nan curason, cu nan principio y balornan como nan compas den bida.

Heart-Centered Leadership Foundation tabata tin dos proyecto principal, ‘Nan Futuro, Nos Deber’ y ‘Sustainable Me-We’. ‘Nan Futuro, Nos Deber’ tabata un proyecto cu a cay bao di ‘Kansen Voor Jongeren Cariben’, un iniciativa di ‘Samenwerkende Fondsen’. Durante 4 aña a traha cu 3 diferente school na Aruba riba prevencion di ‘school drop-outs’ ofreciendo guia individual, guia den grupo, y programanan despues di ora di school (‘After School Program’) y trainingnan riba e topico di comunicacion, autoestima, traha den team y con pa traha metanan.

E proyecto ‘Sustainable Me-We’ a enfoca riba fomenta hobennan lider den communidad. A organiza diferente seminario manera ‘Youth Transformational Leadership Seminar’ y ‘ACE Program’ y training manera ‘The Power Within Me’, tur cu e enfoke riba ofrece hobennan hermentnan cu nan por uza pa traha riba nan desaroyo personal y liderazgo personal. Un grupo di hoben a bira ‘Youth

Leaders’ cu e fundacion, unda nan a asisti den training cu a ofrece na schoolnan y tambe a organiza diferente proyecto y campaña manera ‘Swear Jar Campaign’ pa concientisa tocante uzo di idioma menos agradabel y ‘Giving Back From The Heart’ durante temporada di pasco, unda a invita 10 famia di menos recurso pa un momento agradabel cu Santa Claus.

Mirando dilanti, Heart-Centered Leadership a introduci su initiativa ‘Aruba Youth Impact!’ un plataforma di hoben pa hoben, unda ta duna hobennan oportunidad di ta activamente envolvi den trece cambio cu nan kier mira den nan comunidad.

Heart-Centered Leadership Foundation ta mira atras na un decada fructifero unda a traha cu alma y curason riba meta di empodera hobennan pa realisa nan potencial completo. Heart-Centered Leadership Foundation a traha cu 10 school y organizacion di hoben, aproximadamente 200 docente y aproximadamente 1800 hoben den nan seminario, training y programanan.

Heart-Centered Leadership Foundation ta gradici tur cu a yuda e fundacion como boluntario, youth leader, como miembro di directiva of como miembro di staff durante e ultimo decada. Un danki di curason na tur organizacion y compania cu a sostene e fundacion cu sponsorship of donacion pa por haci diferente programa realidad, y un danki na tur hobennan cu a participa den un di nos programanan.

- Advertisement -

DUNA COMENTARIO

Please enter your comment!
Please enter your name here