Home Policial Hefe Interino di un Departamento di Polis a worde suspendi

Hefe Interino di un Departamento di Polis a worde suspendi

216
0
SHARE
- Advertisement -

ORANJESTAD (AAN): Un investigacion ta andando rond di algo incorecto cu un Hefe Interino di un Departamento di Cuerpo Policial Arubano a comete.  Y esaki a worde confirma Diahuebs mainta door di Vocero Policial.

Den cuadro den un investigacion interno. Cuerpo Policial Aruba a divulga cu decision a ser tuma riba Diahuebs 9 di augustus 2018 den oranan di mainta, cu e Hefe Interino di e Departamento Bedrijfsvoering, esta e oficial di inicial E.E. Zebeda a worde prohibi pa drenta wardanan di polis.

Cuerpo Policial ta para pa siguridad, servicio, integridad, vigilancia y disponibilidad. E pueblo mester por sinti su mes sigur y mester por conta cu e experticio, ayudo profesional y e profesionalismo di nos organizacion policial.

Mas cu esey, Vocero di Polis a agrega nada.

E funcionario E.E. Zebeda, te cu ayera ainda tabata den e funcion di Hefe Interino di Bedrijfsvoering. Dicho funcion e ta ocupando pa hopi aña caba y ta encarga entre otro cu maneho di e propiedadnan di Polis, pues tanto oficinanan como autonan y otro materialnan cu Polis ta uza den nan trabou diario.

E funcionario a studia na Academia Policial na Appeldoorn (Hulanda), despues na Universidad de la Habana, Universidad Central de las Villas, na Academia Militar di Surnam y despues na Universidad di Aruba, unda el a logra su PhD den Organisacion. E ta un experto den Gobernacion, Maneho di crisis y administracion publico.

- Advertisement -

DUNA COMENTARIO

Please enter your comment!
Please enter your name here