Home Noticia Internacional Homber a duna su yiunan te di marijuana

Homber a duna su yiunan te di marijuana

120
0
SHARE
- Advertisement -

ORANJESTAD(AAN)—Den e tempo aki cu tin discusionnan publico tocante legalisacin of no di marihuana pa proposito medicinal, na Trinidad un habitante di San Fernando a wordo treci dilanti huez acusa di posesion di e yerba illegal cu segun e tabata  pa traha te pa su yiunan cu ta sufri di asthma.

E homber di 25 aña die dad a bisa cu su yiunan di 3 y 7 aña die dad ta sufri di asthma pisa cu ta wordo alivia solamente ora nan bebe te cu blachi di marihuana den dje.

E homber a bisa e magistrado di san Fernando Alicia Chankar cu condicion di su yiunan ta wordo mehora masha hopi pa e te di marihuana.

E homber a admiti posesin di 21.59 gram dio marihuana.

Chankar a tende di fiscal Cleyon Seedan cu polis a para e homber cu tabata cana direccion diterminal di taxi di awa na King’s Wharf di e ciudad.  E agente a listra e homber cu no a menciona number pa su yiunan menor no wordo identifica asina. Den un saco di carso e polis a haya marihuana den un sakito di plastic. Magistrado Chankar a puntra e tata cuanto biaha el a duna su yiunan e te y e tata a contesta cu e tambe sa usa e te na varios ocasion pasobra e tambe ta sufri di asthma

El a bisa cu ora el a realize cu e te ta yuda su asthma, el a dicidi pa duna su yiunan tambe pa alivia nan di nan asthma. El a bisa dia wordo conseha tambe pa usa marihuana como medicina di parti di un dokter di hospital general di e ciudad.

Ora el a wordo puntra kende ta e dokter, e acusado a nenga di contesta. E magistrado despues a puntra e fiscal Seedan si no mester envolvi autoridad di mucha den e caso aki pasobra e muchanan no ta di edad di aprecia e acto illegal cu ta wordo tira riba nan .

“No ta autoridad di muchanan cu lo ta responsabel ?” ta locual e huez a puntra y e fiscal a bisa cu polis lo raporta e asunto na Autoridad di mucha pa mas investigacion. E huez despues a sentencia e homber na multa di 6 mil dollar cu e mester paga den dos siman of bay cera pa 12 luna cu trabao pisa.

Hopi comentario e caso a lanta specialmente cu preguntanan, si e magistrado nunca a tende o no sa di beneficionan di marihauana medicinal. Tambe cu e tata lo por ta papia berdad pero no a cana e camindanan corecto, bao autoridad di Mucha,  prome cu a yega corte.

- Advertisement -

DUNA COMENTARIO

Please enter your comment!
Please enter your name here