Home Policial Homber cu arma y cara tapa  a purba drenta cas na Tanki Leendert

Homber cu arma y cara tapa  a purba drenta cas na Tanki Leendert

534
0
SHARE
- Advertisement -

Pa di tres biaha atracador ta presenta na mesun adres

ORANJESTAD  (AAN): Diahuebs anochi algo prome cu 10or a sosode un caso serio na Tanki Leendert. Polis a wordo manda purba pasobra tin un atraco tumando lugar na un cas.

Na yegada di Polis a topa cu e famia. Nan ta declara cu esaki ta bira di tres biaha cu atracador ta presenta na nan adres.  Dos biaha a comete atraco caba na mesun cas.

Diahuebs anochi e menor di edad tabata paden y a bay mira kende tabata na porta. El a mira un homber full na preto cu cara tapa y arma den su poder. El a core bay y bati alarma den cas.

E atracador a sinti su mes den un situacion incomodo y a core bay patras di e cas y subi un palet y asina bula e cura di e cas huy. Polisnan a tuma e caso masha na serio. Muchanan den e cas a pasa den un susto masha grandi.

A avisa cuerpo tecnico pa bin coy fingerprint riba e glas di porta unda e atracador arma a bin para. E famia a keda preocupa y muchanan basta spanta. E biaha aki e atracador no a logra hiba nada.

 

 

- Advertisement -

DUNA COMENTARIO

Please enter your comment!
Please enter your name here