Home Comentario Homber  cu ta  abusa  di  menornan  y  muher,  mester ricibi un  castigo ...

Homber  cu ta  abusa  di  menornan  y  muher,  mester ricibi un  castigo  di 15  aña  di  prizon  minimo

31
0
SHARE
- Advertisement -

Remitido:

Cuanto morto mas mester cai pa wowonan di Parlamentarionan y Ministernan mester habri, pa realisa cu cos no por sigui asina mas. Castigo di 15 aña di prison minimo of mas pa homber cu ta bati criaturanan inocente mata y homber cu ta bati muher mata y homber cu ta abusa sexualmente di criaturanan inocente 15 aña di prison minimo ta hopi poco pa nan.

Aña pasa mi tabatin un combersacion cu O.M de Heer Alexander van Dam y mi a puntre kico ta e motibo cu no kier aumenta castigo di prison pa pedofilnan y mi a entregue contesta di un carta cu mi a haya di Hof van Justitie di de Heer La Mere, mi a bisa Meneer Alexander van Dam cu mi ta victima di abuso sexual di cu mi 6 aña di edad y awe mi tin 76 aña,  y ora cu mi a bay bisa mi mama di criansa, locual su yiu homber a hasi cu mi, mi a wordo castiga cu un bon sota pa mi no bay bisa mi famianan nada.

Y awe mi ta sufri mas cu nunca pasobra te ainda mi no ta weita un castigo pisa di 15 aña di prison minimo pa e homber pedofil cu ta sasia su sed sexual cu criaturanan inocente y ta matanan mentalmente y fisicamente pa resto di nan bida.

Meneer van Dam a contesta mi, cu su persona no por hasi mucho cos, pasobra ta Staten mester cambia su leynan pa Hof por ehecut’e. Na e momento ey  Meneer Alexander van Dam di O.M a bisa mi cu awor aki E ta bay  cerca Arthur Dowers y lo hiba e carta di Hof di La Mere y lo discutië cu Sr Arthur Dowers y lo trece mi ponencianan cerca Arthur Dowers. Despues mi a bay serca Arthur Dowers, pa mi haya sa kico Meneer Alexander van Dam a papia cu ne, cu mi ta desea un castigo minimo di 10 aña di prison pa pedofilan.

Y Arthur Dowers su contesta tabata cu e ta weite algo imposible, mi a bay tambe cerca Mike Eman y su conteste tabata, cu E lo bay wak kico e por bay hasi pa mi. Pero mi tin’e awor den man di nos Min. Pres. Mr. Eveline Wever Croes y mi ta spera cu e biaha aki lo e haya su debido atencion cu e merece. No ta tur homber ta mescos, desde cu Marihuana, Cocaina, Heroina, Piedra  y tur otro droganan a hasi nan entrada na Aruba cos a cambia pa tur hende y cu Amor a cambia pa Odio, Sufrimento, Maltrato y Bringamento cu otro.

Cu na final di dia ta e yiunan ta carga e peso di e sufrimento. Nunca Bo a tende cu un Lesbian a golpia su compañera of a golpia su yiunan, semper ta un homber ta hasi esey, un homber mester golpea un homber mescos cune, pero no un indefensa manera un muher of un mucha.

Un mucha of un muher Bo mester trat’e cu amor cariño y dulsura, pasobra nan amor ta asina grandi, cu no tin nada pa compare na e mundo aki. Nan compresion y dedicasion no tin pa iguala.

E cambionan den nos leynan mester ta cambionan drastico cu tur hende por siña di dje. Y awor mas cu nunca 15 aña di prison minimo ta na su luga pa tur e abusadornan. Yudansa no ta yuda pa nada, pero castigo di 15 aña di prison  minimo lo pone miedo den nan curpa.

Hiacintha  Thijsen Trimon       Savaneta 210-A        Tel 584-7280

- Advertisement -

DUNA COMENTARIO

Please enter your comment!
Please enter your name here